GAVANA wa Jiji la Nairobi nchini Kenya, Mike Mbuvi Sonko amezidi kupongezwa ndani na nje ya Jamhuri hiyo kutokana na juhudi zake ambazo zimewezesha kurejesha faraja na matumaini kwa jamii mbalimbali.
Kwa nyakati tofauti baadhi ya raia wa Kenya waliopo ndani na nje wameielezea tovuti hii ya www.diramakini.co.tz kuwa, moja ya sifa kuu ya Gavana Mike Sonko ni pamoja na kuwa na moyo wa upendo na kujitoa kwa ajili ya wengine ambao wanapitia katika shida mbalimbali.
"Mike Mbuvi Sonko ni mchapa kazi kweli kweli,ni mtu mwenye moyo wa kujitoa kwa ajili ya wengine, Mheshimiwa Sonko, kupitia wakfu wake wa Sonko Rescue Team, amekuwa akitoa msaada wa chakula kwa familia katika vitongoji duni.
"Hatua hiyo ya kutoa vyakula na mahitaji mengine ya msingi kwa familia, imekuwa ya baraka sana, si jambo dogo, kwa kuwa si rahisi kuweza kushuhudia viongozi wengine wakiwa na moyo wa kipekee namna hii,"anasema Wanjiku katika mazungumzo na www.diramakini.co.tz
Mbali na siasa ikiwemo ujasiriamali Gavana Sonko anatajwa kuwa ni miongoni mwa wakulima na wafugaji wa kisasa kama inavyoonekana katika picha hapa chini
