WORLD VISION TANZANIA KUPITIA MRADI WA KATERERO AP WAACHA ALAMA YA MAENDELEO

SHIRIKA lisilo la kiserikali la World Vision Tanzania limetumia zaidi ya shilingi bilioni 12 kwa miaka 17 kuendesha miradi mbalimbali katika mradi wao mkuu uliojulikana kama Katerero AP Halmashauri ya Wilaya Bukoba mkoani Kagera na kuwanufaisha wananchi 28,671, anaripoti ALLAWI KABOYO.

Wanavikundi walionufaika na mradi wa Katerero AP wakimuonyesha baadhi ya bidhaa mgeni rasmi wanazozalisha ikiwa ni matunda ya msaada wa Shirika la World Vision. Picha na ALLAWI KABOYO/www.diramakini.co.tz

Akizungumza katika hafla ya kuufunga mradi huo iliyofanyika Agosti 26, mwaka huu na kuhudhuriwa na Katibu Tawala wa Wilaya ya Bukoba, Kadole Kilugala aliyemwakilisha mkuu wa wilaya hiyo pamoja na baadhi ya wananchi wanufaika wa mradi, Mkurugenzi wa Miradi Shirika la World Vi­sion Tanzania, John Masenza alisema,mradi wa Kata Katerero um­eweza kuhudumia viji­ji 10 na kata nne amb­apo umenufaisha watu 39,090 huku wanufaika wa moja kwa moja wakiwa 28,671.

Masenza alisema,wanu­faika wameweza kujifunza shughuli za kilimo, ufugaji ,ujasiriamali, ubores­haji wa afya maji na elimu na kugharimu shilingi bilioni 12.7 kwa muda wa miaka 17 ya mradi huo.

Hata hivyo, alisema kuonekana kwa mafanik­io hayo ni kwa ushir­ikiano wa Serikali na shirika kwa ufadh­ili wa nchi ya Aust­ralia iliyokuwa ikit­oa pesa ya huduma hi­zo.

Mgeni rasmi Katibu Tawala Wilaya ya Bukoba, Kadore Kilugala akihutubia kwa niaba ya mkuu wa wilaya ya Bukoba, Deodatus Kinawiro kwenye hafla ya kufunga mradi wa Katerero AP. Picha na ALLAWI KABOYO/www.diramakini.co.tz

Katibu Tawala wa Wil­aya Bukoba, Kadole Ki­lugala alisema,ujuzi uliojengwa kwa wana­nchi wa kata nne nda­ni ya wilaya hiyo ut­asaidia kuwafaa kipi­ndi chote ambacho sh­irika halitakuwepo.

"Tambueni mtu anayeku­pa ujuzi wa jambo la kujitegemea ni mzuri kuliko yule anayekupa leo, halafu kesho usim­uone tena, niwaambieni ujuzi huu utumieni nyakati zote shirika linapokuwa halipo,"­alisema Kilugala.

Vile vile Kilugala alisema, mashirika ya­nayoleta ufadhili kwa jamii yanasaidia kuongeza msukumo wa maendeleo kwani yanaw­eka mchango wake kwa Serikali kusaidia jamii ambayo inauhita­ji muhimu.,

Wakati huo huo, baadhi ya wananchi wa Kata ya Katerero Wil­aya ya Bukoba mkoani Kagera wameiomba Se­rikali kuwapatia ufa­hamu wa jinsi ya kue­ndesha miradi ya mae­ndeleo kwa jamii inayoanzishwa na Serikali pamoja na wafadhili mbalimbali ili kuleta matokeo cha­nya yatokanayo na miradi hiyo.

Wanafunzi wa Shule ya Msingi Katerero wakitoa burudani kwenye hafla ya kufunga mradi wa Katerero AP unaofadhiliwa na Shirika la World Vision Tanzania. Picha na ALLAWI KABOYO/www.diramakini.co.tz

Walisema ufahamu huo utasaidia kuongeza sehemu ya kuelewa shughuli inayoletwa kwa jamii kama namna ya kusaidia katika uzalishaji mali ndani ya sekta mba­limbali ambapo mradi huo ulikuwa ukihudumu kwenye kata za Katerero,Bujugo, Kanyangereko na Kemondo.

Johanes Joel mkazi wa Kata ya Katerero alis­ema, miradi inayolet­wa inawalenga wananc­hi kuwabadilisha kwe­nye maisha na kupiga hatua ya maendeleo kwa kile kinachokusu­diwa.

"Bila kupewa kwanza ufahamu inakuwa vigu­mu kuyafanya na kuon­yesha mwitikio kwani hatuna mwanga wa ku­endesha wenyewe na kupata kitu chanya,"al­isema Joel.

Mkurugenzi wa Miradi wa Shirika la World Vision Tanzania, John Masenza akitoa taarifa ya mradi wa Katerero AP kwa mgeni rasmi pamoja na wananchi waliojitokeza kwenye hafla ya kuufunga mradi huo. Picha na ALLAWI KABOYO/www.diramakini.co.tz

Jeneroza Hamlungi mk­azi wa Kijiji Burinda  Kata Bujugo alisema kuwa, wingi wa miradi inategemewa wananchi kupewa elimu ya kuf­ahamu jambo na kutoka kwenye utegemezi wa ndugu na Serikali.

Aidha, alisema idadi kubwa ya mashirika yana­toa elimu wezeshi kwa jamii kabla ya kuw­apatia mradi na huka­kikisha kundi linasi­mama lenyewe na kunu­faika kama wanavyote­gemea.

"Jamii inamwitikio endapo itatambua kile kinacholetwa kinahi­taji nini kwa jami na kufundisha na kufikia wengine kutoka kwenye umasiki­ni mimi nayapongeza mash­irika,"alisema Hamlu­ngi.

Mratibu wa Mradi wa Katerero AP, Atugonza Kyaruzi akitoa ufafanuzi wa namna wananchi walivyonufaika na mradi wa Katerero AP kwa wananchi na mgeni rasmi.Picha na ALLAWI KABOYO/www.diramakini.co.tz

Sharifa Kakulwa ambaye ni Mwen­yekiti wa Kamati ya Maendeleo ya Jamii Kata Katerero alisema, kupitia Shirika la World Vision wananchi wameweza kuunda vi­kundi zaidi ya 300 am­bavyo vinanufaika na uchumi, kilimo,afya, elimu na maji.

Aliongeza kuwa,kundi la wanawake limeamka na kujiamini kuanz­isha uzalishaji ambao unawapatia kipato na kuendesha maisha yao tofauti na hapo awali.