Wanawake walioolewa kwa mara ya kwanza ruksa kumiliki ardhi

Rais wa Botswana Mokgweetsi Masisi amebainisha kuwa,wanawake walioolewa kwa mara ya kwanza wanaweza kumiliki ardhi pamoja na waume zao.

Hadi sasa, sera ya ardhi ya nchi hiyo inawazuwia wanawake kumiliki ardhi, kama waume zao tayari wanamiliki ardhi nchini Botswana.

Sheria za nchi hizo zinaeeza kuwa, wanawake ambao bado hawajaolewa ambao hawana ardhi ndio wanaokubaliwa kisheria kumiliki ardhi.

Ubaguzi huo uliwaacha mamilioni ya wanawake bila uwezo wa kupata ardhi katika maeneo wanayoishi na kufanyakazi.

“Kila Mbotswana atakuwa na uwezo wa kupata ardhi ya makazi katika eneo analochagua katika nchi, katika ardhi ya taifa na ya kikabila," ameeleza Rais Masisi kupitia ukuta wake wa Twitter.