WORLD VISION TANZANIA YAWEZESHA UPATIKANAJI WA VYOO, MAJI SHULENI

Prof. Faustine Kamuzora ambaye ni Katibu Tawala Mkoa wa Kagera (wa kwanza kushoto) akipokea mradi wa vyoo kutoka kwa Juliana Charles ambaye ni Meneja wa World Vision Kanda ya Kagera baada ya kukamilika kwa mradi huo. PICHA NA ALLAWI KABOYO/www.diramakini.co.tz.

SHULE za msingi za Biyungu na Kilruruma wilayani Karagwe mkoani Kagera ni miongoni mwa shule zilizokuwa na changamoto kubwa ya vyoo vya wanafunzi kutokana na kuwa na idadi kubwa ya wananfunzi licha ya Shirika la World Vision Tanzania kusaidia katika sekta hiyo, anaripoti ALLAWI KABOYO-KAGERA.

Katika hafla ya kukabidhi matundu manane ya vyoo kwa kila shule yaliyojengwa na shirika lisilo la kiserikali la World Vision Tanzania, Mradi wa Bushangaro AP kwa serikali ya mkoa,meneja wa shirika hilo Kanda ya Kagera, Juliana Charles amesema kuwa, walifika katika shule hizo na kusikitishwa na hali waliyoikuta na kuwiwa kuanzisha ujenzi wa vyoo hivyo.

Juliana amesema kuwa, shirika hilo linajihusisha zaidi na makuzi ya mtoto hivyo kujenga miundombinu ya vyoo shuleni ni moja ya huduma muhimu kwa mtoto ambayo itampelekea kusoma kwa raha, lakini pia kuweza kumuepusha na magonjwa mbalimbali ya mlipuko yanayoweza kumtokea.

Sambamba na ujenzi wa vyoo hivyo, shirika hilo pia limekabidhi mradi wa maji ambayo mtandao wake umesambazwa kwenye vijiji viwili ambavyo vipo Kata ya Bushangaro na kuweza kusambazwa katika zahanati ya Nyakagoyagoye ili kuweza kurahisisha huduma hiyo kwa jamii ya Wanakaragwe. World Vision Tanzania imekuwa mwanga wa maendeleo soma hapa.

Katibu Tawala wa Mkoa Kagera, Profesa Faust­ine Kamzora baada ya kukabidhiwa miradi hiyo ameitaka jamii kuitunza miradi na kutunza mazingira ili kuhakikisha ubora wa miradi unabaki ulele ule ambapo pia ameutaka uongozi utakaosiamamia mradi wa maji kuhakikisha maji hayo wanayatibu kabla ya kumfikia mwananchi ili kumuepusha na magonjwa.

Profesa Kamzora amesema, mradi umejingwa kwa ufadhili wa nchi ya Ujerumani kwa gharama ya zaidi ya shilingi milioni 400 na end­apo mazingira ya mi­undomibun ya maji ya­kiwekwa kwenye hali ya usafi unaozingat­ia matunzo bora una­weza kuondoa magonjwa yanatokana na matu­mbo hasa kwa watoto wadogo.

Amesem­a,vituo vya afya na hospitali na zahanati kwa asili­mia kubwa zinapokea matatizo ya magonjwa ya upungufu wa maji kwa asilimia 70 pamoja nna magonjwa ya tumbo kutokana na watu kutumia maji ambayo sio salama am­bayo yote hayo ni uk­osefu na uhaba wa ma­ji yenye uhakika.

Mgeni rasmi katika hafla ya makabidhiano ya miradi ya vyoo na maji kati ya Shirika la World Vision Tanzania na Serikali, Katibu Tawala Mkoa wa Kagera, Prof. Faustine Kamuzora watatu kutoka kushoto akikata utepe kuashiria kuzindua matumizi ya maji. PICHA NA ALLAWI KABOYO/www.diramakini.co.tz.

"Pia maji yana faida nyingi na sio kuond­oa magonjwa ya tumbo na upungufu wa maji mwili pekee bali na kuanzisha bustani majumbani na kujipat­ia lishe bora ya wat­oto, lakini pia matumizi mengine ya nyumbani ikiwemo kufua na kufanyia usafi mwingine,”amesema Kamzora. Wold Vision Tanzania yasaidia maboresho ya miradi mbalimbali ya kijamii soma hapa.

Meneja wa Shir­ika la World Vision Kanda ya Kagera, Juli­ana Charles amesema, mradi huo utahudumia wananchi ambao awa­li walikuwa wakitumia muda mrefu kufuata maji vijiji jirani ambayo bado yalikuwa hayapo katika usalama.

Charles amesema kuwa­,”baada ya kupatiwa taarifa na kamati ya maji kijijini hapo, shirika liliweza kufi­ka eneo la chanzo na kufanya tathimini ya shughuli ya ujenzi utakaoweza kuzua mif­ugo isiweze kuingia ndani ya maji hayo kwa kuyazumguzisha.

Shirika limefanya ujenzi wa chanzo kwa kujengea maji ikiwa ni kuzuia mifugo,na kut­unza chanzo kisiweze kuharibiwa na jamii ambayo inatakiwa yenywe itunze cha­zo hiki”.

Mwenyekiti wa Kjiji cha Nyakagoyagoye, Salmoni Mtilani amesema, kukamilika kwa ujenzi huo utaondoa watoto kutumia muda mwingi kutafuta maji na wakati mwin­gine kutokuhudhuria shuleni kwa ajili sababu ya wa­zazi wao kuwatuma maji umbali mrefu.

“ Sio watoto sio waz­azi wao wanatembea umbali mrefu wa kilo­mita18 kwenda kijiji jirani kufuata maji ambayo hayachangam­ani na mifugo., kijing­ine ni watoto kutohudhu­lia shuleni kabisa na kuwafanya kukosa masomo na hatimaye kushuka kitaaluma,”amesisitiza M­tilani.

Mtilani amesema kuwa, Kijiji cha Nyakag­oyagoye kilikuwa kina­fuata maji kijiji jirani kwa sababu chanzo ambacho kimefan­yiwa ujenzi wanajamii walikuwa wanayatum­ia kama maji ya mifu­go kwa mazinmgira yalikuwa hayaridhishi kwa wanajamii kwen­da kuchota maji hayo.