Kwa mujibu wa Sun, mchezaji mpya ambaye ni winga wa kulia wa Manchester United na Uruguay, Facundo Pellistri (18) amepanga kurudi nyumbani kwao kuichezea klabu ya Penarol klabu alioondoka ili kuhamia katika klabu hiyo.
Mbali na hayo aliyekuwa winga wa Manchester United Memphis Depay hajapuuza uhamisho wa kuelekea Barcelona mwezi Januari,mshambuliaji huyo wa Uholanzi alibaki na klabu ya Lyon ili kumaliza mwaka wake wa mwisho baada ya klabu hiyo ya Catalan kuwasilisha ombi msimu uliopita.
Aidha, kwa mujibu wa Marca klabu hiyo ya Ufaransa huenda ikamuuza mchezaji huyo mwenye umri wa miaka 26 katika dirisha la uhamisho la msimu ujao.Manchester Evening News inaripoti kuwa, Klabu ya Manchester City imeamua kumzuia beki wa Hispania, Eric Garcia (19) kwa msimu mmoja kwa sababu alikuwa na thamani kubwa kwao zaidi ya ofa ya Barcelona ya £18milioni.
Hayo ni kwa mujibu wa afisa wa operesheni Omar Berrada ambapo Garcia anaweza kuhamia Nou Camp kwa uhamisho wa bila malipo msimu ujao baada ya kukataa kandarasi.
Wakati huo huo, Calciomercato inaripoti kuwa, mkufunzi wa Inter Milan, Antonio Conte ana mpango wa kuwasilisha ombi la kumsajili mshambuliaji wa Manchester City na Argentina Sergio Aguero (32) ambaye kandarasi yake inatarajiwa kukamilika mwisho wa msimu huu.
Aidha, Mail imebainisha kuwa, ombi la West Ham la kumnunua mshambuliaji wa Norway, Joshua King (28) limekataliwa na Bournemouth huku Evening Standard ikiripoti kuwa,The Hammers bado wanaendelea na mazungumzo kuhusu usajili wa winga wa Brentford na Algeria Said Benrahma (25).
Huku kwa mujibu wa Guardian, West Ham wanakaribia kukubaliana dau la uhamisho la £25milioni kumsajili Benrahma kwa kutoa pamoja na marupurupu na Everton kwa mujibu wa Talksport pia ina shauku ya kumsajili mchezaji huyo.