Kwa mujibu wa 90 Min, Klabu za Manchester United, Leicester na Everton zinatamani kumnasa winga wa Nigeria anayekipiga Villarreal, Samuel Chukwueze (21).
Wakati huo huo, Mail inaripoti kuwa, Paris St-Germain itakuwa makini katika uhamisho wa mchezaji wa England anayekipiga Tottenham, Dele Alli (24) ikiwa atapatikana mwezi Januari. Klabu hiyo ya Ufaransa ilifanya majaribio matatu yaliyogonga mwamba ya kumsajili kwa mkopo kiungo huyo wa kati msimu huu.
Huku Barcelona ikiwa imeongeza nia yake ya kumnasa mshambuliaji wa Benfica na Uruguay , Darwin Nunez (21) ikiwa ni kwa mujibu wa ESPN ambapo huo ni kama mbadala wa muda mrefu wa Luis Suarez (33) aliyeelekea Atletico Madrid mwezi Septemba.
Aidha, Mirror inaripoti kuwa, Barcelona itatoa ofa mpya ya pauni milioni 7 kwa mchezaji wa nafasi ya ulinzi wa Uhispania, Eric Garcia (19) mwezi Januari, 2021 ambapo anamaliza mkataba wake mwishoni mwa msimu.
Tukirejea Manchester City, Daily Telegraph inaeleza kuwa, klabu hiyo inaweza kumpa ofa mshambuliaji wa Barcelona na Argentina, Lionel Messi (33) ya mkataba wa awali mwezi Januari, mwakani kabla ya kuhamia England msimu ujao.
Pia 90 Min inaripoti kuwa, Manchester City wanajiandaa kumfanya mshambuliaji wa England, Raheem Sterling (25 ) na kiungo wa kati wa Kibelgiji, Kevin de Bruyne (29) kuwa wachezaji wanaolipwa fedha nyingi zaidi katika ligi ya Primia.
Nayo Mail, inaripoti kua, Atletico Madrid imeingia katika ushindani na Bayern Munich na Sevilla zikimfuatilia kwa karibu beki wa kulia wa Brighton, Tariq Lamptey (20).