Simba Queens imegawana alama moja moja na Yanga Princess kwenye mchezo wa Ligi ya Wanawake uliokuwa na ushindani mkubwa katika Uwanja wa Mo Arena jijini Dar es Salaam, anaripoti Mwandishi Diramakini.
Wachambuzi wa masuala ya michezo wamemdokeza Mwandishi Diramakini kuwa, kwa sasa Yanga Princess wameonyesha ukomavu mkubwa katika soka baada dabi hii kuonyesha kandanda safi ambalo limewawezesha kuchukua alama moja dhidi ya watani wao Simba Queens kwani huko nyuma hawakuonyesha matokeo bora.
LIVE TAZAMA HAPA CHINI
Aidha, chini ya Mussa Mgosi ambaye ni Kocha Mkuu wa Simba leo ameshuhudia vijana wake wakimaliza dakika 90 bila kuambulia bao wakiwa nyumbani.
Naye Edna Lema ameshuhudia vijana wake wakimaliza dakika 90 bila kushinda leo kwa mara ya kwanza kwa msimu wa 2020/21 kwa kuwa kwenye mechi tatu za mwanzo zote walishinda na kuondoka na alama tisa.
Hata hivyo, licha ya sare ya bila kufungana, Yanga Princes inabaki kileleni ikiwa na alama 10 kwa kuwa imeshinda mechi tatu na sare moja huku Simba Queen inafikisha pointi nane kwa kuwa imelazimisha sare mbili na kushinda mechi mbili kwa msimu wa 2020/21.