VIDEO YA NINA HAJA NAWE YA MARIA MASAO YAKAMILIKA

Nyota wa muziki wa Injili Afrika Mashariki na Kati, Mario Masao Kilasile mwenye maskani yake mji kasoro bahari Morogoro, wiki hii ameibuka na video mpya ya Nina Haja Nawe, anaripoti Mwandishi Diramakini.

Akizungumza kwa huku akiwa na furaha nyingi kutoka Morogoro kwa njia ya simu Meneja wa mwimbaji huyo Paskal Linda maarufu Batarokota Nsumbantale amesema,"wiki hii mwimbaji wangu Maria Masao Kilasile ameachia video ya wimbo nina haja nawe kwenye youtube, na kwa sasa iko hewani na tunatarajia wiki ijayo itakuwa kwenye vituo vya television,"amesema.

Pia Batarokota amesema, video ya Nina Haja Nawe iliyotengenezwa na Studio za Sky Records chini ya produyza Orecy katika mazingira ya Morogoro ina ujumbe wa baraka kwa watu wote.

Maria Masao Kilasile ni mshirika wa kanisani la Winner's na amefanikiwa kupata menegmenti ya King David Foundation Co.Ltd chini ya meneja Paskal Linda.