Simba SC yaanza kufagia vigogo, makocha wavalishwa virago

NA MWANDISHI DIRAMAKINI

Klabu ya Simba SC imetangaza rasmi kuachana na Kocha wake Mkuu Mfaransa, Didier Gomes Da Rosa (52) pamoja na mtaalamu wa viungo Adel Zrane kutoka nchini Tunisia na Kocha wa makipa, Milton Nienov kutoka nchini Brazil.

Simba SC imetangaza uamuzi huo ikiwa ni siku mbili zimepita toka waondolewe katika michuano ya Klabu Bingwa Afrika kwa kufungwa mabao 3-1 dhidi ya Jwaneng Galaxy katika uwanja wa Benjamin Mkapa jijini Dar es Salaam.Kocha Gomes alijiunga na Simba SC 2021 akitokea Al Merreikh ya nchini Sudan.