NA MWANDISHI DIRAMAKINI
TIMU za Mkoa wa Pwani za Mpira wa Miguu na Mpira wa Pete zimetamba baada ya kupata ushindi dhidi ya washindani wao kwenye michuano ya Samia Taifa Cup.
Michezo hiyo ambayo inatimua vumbi jijini Dar es Salaam ambapo ilianza juzi Pwani walionyesha umahiri mkubwa.
Kwenye mchezo wa soka Pwani iliwatambia wenyeji kwa kuwanyuka kwa magoli 3-2 mchezo uliopigwa kwenye uwanja wa Duce.
Upande wa mchezo wa mpira wa Pete Pwani ilitamba kwa kuifunga Geita kwa magoli 52-31.
Meneja wa timu ya soka ya Pwani, Simon Mbelwa amesema kuwa kutokana na ushindi huo anaamini vijana wake watafanya vizuri kwenye mchezo ujao.
Mbelwa amesema, mchezo wao utakaofuata watachuana na Kaskazini Pemba.