NA MWANDISHI MAALUM
MAKAMU wa Rais wa Jamhuri ya Muungano wa Tanzania, Dkt. Philip Mpango leo Januari 29, 2022 ametembelea Makumbusho ya Kihistoria ya Dkt. David Livingstone iliyopo Ujiji mkoani Kigoma.
Makamu wa Rais wa Jamhuri ya
Muungano wa Tanzania, Dkt. Philip Mpango na mkewe Mama Mbonimpaye Mpango
wakimsikiliza muongoza watalii mzee Kassim Mbingo juu ya vyombo vya
asili vya kuhifadhia chakula na maji vya wakazi wa Kigoma vilivyopo
katika makumbusho ya kihistoria ya Dr Livingstone Ujiji mkoani Kigoma.
Januari 29,2022. (Picha na OMR).Makamu wa Rais amejionea eneo la kihistoria alipofikia Mmisionari na mpelelezi Dkt. David Livingstone mwaka 1869 ambapo pia baadae eneo hilo alifika mwandishi kutoka Uingereza, Henry Stanley mwaka 1871.
Makamu wa Rais wa Jamhuri ya Muungano wa Tanzania, Dkt. Philip Mpango akisikiliza maelezo kutoka kwa muongoza watalii wa kituo cha makumbusho ya kihistoria ya Dkt. David Livingstone kiliochopo Ujiji mkoani Kigoma, mzee Kassim Mbingo wakati Mkamu wa Rais alipofika kutembelea kituo hicho Januari 29, 2022.Akitoa maelezo kwa Makamu wa
Rais muongoza watalii katika makumbusho hiyo, mzee Kassim Mbingo amesema
eneo la Makambusho hayo licha ya kuhifadhi historia muhimu ya ujio wa
David Livingstone, lakini pia imebeba historia na utamaduni wa wakazi wa
mkoa wa Kigoma ikiwemo maisha yao, vyakula, mavazi , silaha za jadi ,
vyombo vya kale pamoja na vyombo vya usafiri walivyotumia katika Ziwa
Tanganyika.
Akizungumza baada ya kutembelea makambusho hayo Makamu wa Rais amesema ni muhimu kuendelea kutunza na kuhifadhi historia adhimu ya nchi yetu kwa manufaa ya vizazi vya sasa na baadaye.
Amewaasa watanzania kuona umuhimu wa kufika katika maeneo ya
kihistoria ya nchi ili kuweza kujifunza mengi ikiwemo utamaduni katika
maeneo husika. Amewataka viongozi kuwapa motisha wanafunzi wanaofanya
vizuri darasani kwenda katika vivutio vya utalii na utamaduni.
Makamu wa Rais wa Jamhuri ya Muungano wa Tanzania Dkt. Philip Mpango na mkewe Mama Mbonimpaye Mpango wakimsikiliza muongoza watalii mzee Kassim Mbingo juu ya eneo alilofikia mpelelezi Dr Livingstone mwaka 1869 Ujiji mkoani Kigoma. Januari 29,2022.
Makamu wa Rais wa Jamhuri ya Muungano wa Tanzania Dkt. Philip Mpango akizungumza na uongozi wa mkoa wa Kigoma na wahifadhi wa Makumbusho ya Dkt. Livingstone iliopo Ujiji Mkoani Kigoma mara baada ya kutembelea Makumbusho hayo Januari 29, 2022.Aidha, Makamu wa Rais
ameagiza Wizara ya Maliasili na Utalii wakishirikiana na Wizara ya
Utamaduni kukisaidia kituo cha Makambusho ya Dkt. Livingstone ili kiweze
kuendelea kutoa elimu na kuhifadhi vema historia hiyo.
Aidha amemsihi
muongoza watalii katika kituo hicho mzee Kassim Mbingo kuandika kitabu
kitachoweza kurithisha maarifa alionayo kwa vizazi vijavyo.
Makamu wa Rais wa Jamhuri ya Muungano wa Tanzania Dkt. Philip Mpango akiwa katika picha ya pamoja na wahifadhi wa Makumbusho ya Dkt. Livingstone iliyopo Ujiji mkoani Kigoma mara baada ya kutembelea Makumbusho hayo Januari 29, 2022.
Makamu wa Rais wa Jamhuri ya Muungano wa Tanzania Dkt. Philip Mpango akitembelea eneo la Ujiji kandokando ya Ziwa Tanganyika leo Januari 29,2022.Katika hatua nyingine Makamu wa Rais ametembelea pembezoni mwa Ziwa Tanganyika na kuwasalimia wavuvi na watumiaji wa ziwa hilo ambapo amewataka watanzania wote kuendelea kulinda vyanzo vya maji pamoja na usafi katika maeneo ya vyanzo vya maji.
Amesema rasilimali ya maji ni muhimu katika maendeleo ya nchi hivyo kila mmoja aone umuhimu wa kulinda kwa manufaa ya vizazi vya sasa na baadae.
Tags
Habari