NA GODFREY NNKO
RAIS wa Jamhuri ya Muungano wa Tanzania, Mheshimiwa Samia Suluhu Hassan amemteua Brigedia Jenerali Yohana Ocholla Mabongo kuwa Mwenyekiti wa Bodi ya Shirika la Posta Tanzania (TPC).
Hayo ni kwa mujibu wa taarifa iliyotolewa leo Februari 27,2022 na Mkurugenzi wa Mawasiliano ya Rais (Ikulu), Bi.Zuhura Yunus kutokea Dubai.
Brigedia Jenerali Yohana Ocholla Mabongo ni Mkuu wa Kitengo cha TEHAMA katika Wizara ya Ulinzi na Jeshi la Kujenga Taifa.
Kwa mujibu wa taarifa hiyo, uteuzi wa Brigedia Jenerali Yohana Ocholla Mabongo umeanza Februari 24,2022.
