*Ajali ilitokea Mlandizi mkoani Pwani
NA MWANDISHI DIRAMAKINI
PROFESA wa Chuo Kikuu cha Mzumbe nchini Tanzania, Honest Ngowi amefariki dunia leo Machi 28,2022.
Hayo ni Kwa mujibu wa taarifa iliyotolewa Leo na Makamu Mkuu wa Chuo hicho, Prof. Lughano Kusiluka.
"Makamu Mkuu wa Chuo hicho, Prof. Lughano Kusiluka anasikitika kutangaza kifo cha Prof. Honest Ngowi na dereva wake, waliofariki asubuhi ya leo kwa ajali ya gari wakiwa njiani kuja Kampasi Kuu Morogoro.
"Tunaomba muwe watulivu wakati Menejiementi inaendelea kufuatilia taarifa kamili ya tukio hili, na kuweka taratibu zingine. Taarifa zaidi zitatolewa rasmi na taratibu zingine za kuwahifadhi wenzetu. Bwana alitoa na Bwana Ametwaa jina la Bwana lihimidiwe. Poleni Wote kwa msiba huu mzito,"imeeleza taarifa hiyo iliyotewa na Ofisi ya Mawasiliano.
Wasifu wa Profesa Honest Ngowi
Ajali hiyo imehusisha lori na gari ndogo alilokuwa anasafiria Profesa Ngowi kwenda mkoani Morogoro.
Kamanda wa Polisi Mkoa wa Pwani, Pius Lutumo amethibitisha kutokea kwa ajali hiyo na kueleza imetoka eneo la Mlandizi mkoani Pwani ikihusisha magari matatu.
"Ni kweli ajali imetokea leo saa 12 alfajiri ikihusisha magari matatu aina ya Noah, Land Cruiser alilokuwa anasafiria yeye na lori ambalo ndio chanzo cha ajali lilihama njia na kuiangukia Noah ubavuni kisha kuilalia gari ya Ngowi," amesema.