NA MWANDISHI WETU
TIMU ya Azam FC kesho itakuwa na mechi ya kirafiki dhidi ya DTB katika dimba la Azam Complex lililopo Kata ya Chamazi Halmashauri ya Manispaa ya Temeke jijini Dar es Salaam.
Azam kupitia mechi hiyo ni sehemu ya maandalizi ya mchezo ujao wa Ligi Kuu ya NBC ya Tanzania Bara dhidi ya Yanga SC Aprili 6,2022.Mtanage huo ambao unatarajiwa kuwa wa kuvutia baina ya Wanajangwani ambao wapo kileleni mwa msimamo wa Ligi Kuu ya NBC utapigwa katika dimba la Azam Complex lililopo Halmashauri ya Manispaa ya Temeke, Dar es Salaam
Aidha, kwa DTB mechi hiyo ni ya kujipanga kwa michezo yake ijayo ya ligi ya kuwania kupanda Ligi Kuu, ijulikanayo kama Championship.
Pia Yanga SC watakuwa na mechi ya kujipima dhidi ya Mafunzo ya Zanzibar itakayopigwa katika dimba la Azam Complex.