Diwani wa Kata ya Zingiziwa, Mhe. Maige Maganga amefanya ziara kutembelea Barabara ya Msumbiji, Kimwani pamoja na DCB Benki kuelekea Zingiziwa Sokoni, barabara hizo zinafanyiwa maboresho kwa kuchongwa ili ziwe kutumika.
"Kwa sasa tunaendelea kufanya maboresho ya barabara zetu za ndani kwa kuzichonga, lengo ni kuunganisha mfumo mzuri wa barabara zetu hasa zinapopita mvua, niwaombe wananchi wenzangu kuendelea kutoa ushirikiano katika kipindi chote cha maboresho ya barabara zetu,"amesema
Maige Maganga.
"Nitumie fursa hii kumshukuru Mhe. Rais Samia Suluhu Hassan, Mkuu wa Wilaya ya Ilala, Meneja wa TARURA Halmashauri ya Jiji la Dar es salaam kwa kazi kubwa ya kuziboresha barabara zetu za mtaani, kwa hakika tunashukuru kwa niaba ya wananchi wa Zingiziwa,"amesema Maige Maganga