NA GODFREY NNKO
RAIS wa Zanzibar na Mwenyekiti wa Baraza la Mapinduzi, Mheshimiwa Dkt. Hussein Ali Mwinyi ametenguwa uteuzi wa viongozi watatu.
Rais wa Zanzibar na Mwenyekiti wa Baraza la Mapinduzi, Mheshimiwa Dkt.Hussein Ali Mwinyi.(Picha na Ikulu).
Hayo ni kwa mujibu wa taarifa iliyotolewa leo Machi 3, 2022 na Katibu wa Baraza la Mapinduzi na Katibu Mkuu Kiongozi Zanzibar, Mhandisi Zena A. Said
Waliotenguliwa ni pamoja na Mkurugenzi Mkuu wa Mamlaka ya Uendelezaji Mji Mkongwe, Madina Haji Khamis.
Pia Mheshimiwa Rais Dkt.Mwinyi ametengua uteuzi wa Mkurugenzi Mkuu Afya, Wizara ya Afya, Ustawi wa Jamii, Wazee, Jinsia na Watoto, Dkt. Abdulla Suleiman Ali.
Mwingine ni Mkurugenzi Mkuu wa Sekretarieti ya Tume ya Ushindani Halali wa Biashara, Mohammed Jaffar Jumanne.