Orodha ya taasisi, mashirika, wadau wanaotoa salamu za kuwatakia waumini wa dini ya kiislamu mfungo mwema

Mfungo wa Mwezi Mtukufu wa Ramadhani ukiwa umeanza leo Aprili 3, 2022, uongozi wa DIRAMAKINI BLOG unatoa rai kwa waumini wa Kiislamu na Watanzania kuendelea kudumisha amani, upendo na mshikamano huku katika ibada zao wakimuomba Mwenyenzi Mungu/Mungu aendelee kustawisha amani kila kona ya Dunia.

Sambamba na kuiepusha Dunia yetu na wote wenye hila mbaya ambao mara nyingi matamanio yao ni kuona wanatumia hali ya kutokuelewana baina ya kikundi kimoja na kingine ili waweze kujinufaisha.

"Tunaungana na Watanzania wote, kutoa salamu za kuwatakia waumini wa dini ya kiislamu mfungo mwema, tunatambua mwezi huu mtukufu unakuja wakati ambao kunashuhudiwa mazingira magumu zaidi katika pande nyingi za Dunia, lakini kwa sala zetu Mwenyenzi Mungu atatuvusha;