NA DIRAMAKINI
RAIS wa China, Xi Jinping amesema kuwa, nchi yake imeiorodhesha Saudi Arabia kama kivutio cha nje cha watalii wa Kichina.
China pia imeamua kupanua mawasiliano ya wafanyakazi pamoja na mawasiliano ya kitamaduni na baina ya watu kati ya pande hizo mbili.
Kwa mujibu wa Shirika la Habari la Xinhua, Rais Xi amebainisha hayo kufuatia mazungumzo yake rasmi na Mwanamfalme wa Saudia na Waziri Mkuu Mohammed bin Salman mjini Riyadh siku ya Alhamisi.
Mazungumzo yao pia yalihusu fursa za uwekezaji katika rasilimali zilizopo katika nchi zote mbili ili kufikia maslahi yao ya pamoja.
Takribani watalii 20,000 wa China walitembelea Saudi Arabia mwaka 2022, kulingana na takwimu zilizochapishwa na Wizara ya Utalii ya Saudia. Idadi hii inatarajiwa kuongezeka katika siku zijazo, hasa kutokana na mpango mpya uliotangazwa na Rais Xi wa China.
Katika mahojiano ya awali na Xinhua, Waziri wa Utalii wa Saudi, Ahmed Al-Khateeb alisema kuwa, Ufalme huo unatafuta kuvutia watalii wa China kwa kuhakikisha kuwa wanaweza kupata visa zao za utalii kwa njia rahisi.
Waziri Al-Khateb amesema, Kampuni ya Viwanja vya Ndege ya Riyadh imetangaza kuanza kufanyia kazi mara moja jambo hilo ili kurahisisha uingiaji wa watalii wa China kwa kuhakikisha uzoefu wao wa usafiri ni rahisi zaidi, na kuondokana na vikwazo vya lugha kwa kuwapa huduma zote zinazohitajika, ikiwa ni pamoja na mifumo ya malipo ambayo inaendana na ile ya China.
Amebainisha kuwa, wizara hiyo pia inatafuta kuajiri waongoza watalii wanaozungumza Kichina. Waziri huyo alibainisha kuwa Ufalme ulitia saini makubaliano na China kufundisha lugha ya Kichina katika mitaala yake ya shule.
Pia Waziri Al-Khateeb aliangazia makubaliano yaliyotiwa saini kati ya Mamlaka ya Utalii ya Saudia (STA) na Shirika la kutoa Huduma za Malipo duniani la UnionPay International (UPI) lenye makao yake Shanghai, ambalo lingeiruhusu kutangaza Ufalme huo kama mahali pazuri pa Umoja wa Malipo Duniani kwa Jumuiya ya Wachina.
Wakati huo huo, wizara hiyo inalenga kuvutia watalii milioni 3.1 mwaka 2023 na kutumia hadi SR264 bilioni kwa miradi na huduma za utalii.
Aidha, inalenga mchango wa utalii kutunisha pato la taifa (GDP) kwa takribani asilimia 5.2, na kuzalisha ajira 834,000 katika sekta hiyo muhimu.
Wizara pia inalenga kubuni njia mpya za kazi na taaluma zenye takribani ajira milioni 1.6 za moja kwa moja na zisizo za moja kwa moja.
Mamlaka ya Utalii ya Saudia imetangaza uzinduzi wa programu tatu ndani ya mkakati wa kusaidia uanzishwaji wa miradi ya utalii midogo ambayo inafikia 18,000, yenye thamani ya SR1.5 bilioni.(Xinhua/SG)
Kwa mujibu wa Shirika la Habari la Xinhua, Rais Xi amebainisha hayo kufuatia mazungumzo yake rasmi na Mwanamfalme wa Saudia na Waziri Mkuu Mohammed bin Salman mjini Riyadh siku ya Alhamisi.
Mazungumzo yao pia yalihusu fursa za uwekezaji katika rasilimali zilizopo katika nchi zote mbili ili kufikia maslahi yao ya pamoja.
Takribani watalii 20,000 wa China walitembelea Saudi Arabia mwaka 2022, kulingana na takwimu zilizochapishwa na Wizara ya Utalii ya Saudia. Idadi hii inatarajiwa kuongezeka katika siku zijazo, hasa kutokana na mpango mpya uliotangazwa na Rais Xi wa China.
Katika mahojiano ya awali na Xinhua, Waziri wa Utalii wa Saudi, Ahmed Al-Khateeb alisema kuwa, Ufalme huo unatafuta kuvutia watalii wa China kwa kuhakikisha kuwa wanaweza kupata visa zao za utalii kwa njia rahisi.
Waziri Al-Khateb amesema, Kampuni ya Viwanja vya Ndege ya Riyadh imetangaza kuanza kufanyia kazi mara moja jambo hilo ili kurahisisha uingiaji wa watalii wa China kwa kuhakikisha uzoefu wao wa usafiri ni rahisi zaidi, na kuondokana na vikwazo vya lugha kwa kuwapa huduma zote zinazohitajika, ikiwa ni pamoja na mifumo ya malipo ambayo inaendana na ile ya China.
Amebainisha kuwa, wizara hiyo pia inatafuta kuajiri waongoza watalii wanaozungumza Kichina. Waziri huyo alibainisha kuwa Ufalme ulitia saini makubaliano na China kufundisha lugha ya Kichina katika mitaala yake ya shule.
Pia Waziri Al-Khateeb aliangazia makubaliano yaliyotiwa saini kati ya Mamlaka ya Utalii ya Saudia (STA) na Shirika la kutoa Huduma za Malipo duniani la UnionPay International (UPI) lenye makao yake Shanghai, ambalo lingeiruhusu kutangaza Ufalme huo kama mahali pazuri pa Umoja wa Malipo Duniani kwa Jumuiya ya Wachina.
Wakati huo huo, wizara hiyo inalenga kuvutia watalii milioni 3.1 mwaka 2023 na kutumia hadi SR264 bilioni kwa miradi na huduma za utalii.
Aidha, inalenga mchango wa utalii kutunisha pato la taifa (GDP) kwa takribani asilimia 5.2, na kuzalisha ajira 834,000 katika sekta hiyo muhimu.
Wizara pia inalenga kubuni njia mpya za kazi na taaluma zenye takribani ajira milioni 1.6 za moja kwa moja na zisizo za moja kwa moja.
Mamlaka ya Utalii ya Saudia imetangaza uzinduzi wa programu tatu ndani ya mkakati wa kusaidia uanzishwaji wa miradi ya utalii midogo ambayo inafikia 18,000, yenye thamani ya SR1.5 bilioni.(Xinhua/SG)