NA LWAGA MWAMBANDE
WATAALAM wa afya mara nyingi wamekuwa wakisisitiza kuwa, kufanya mazoezi huwa kunasaidia kuzuia magonjwa yasiyoambukiza kama vile saratani, mshtuko wa moyo na kisukari.
Mazoezi pia yanasaidia moyo kuwa na kazi rahisi ya kusukuma damu. Pia mazoezi ni nyenzo muhimu ya kudhibiti uzito wa mwili. Kwani,kwa kufanya mazoezi, mwili hupata kusisimuka kwa hivyo kumaliza mafuta yaliyo ganda kwenye mishipa.
Pia mazoezi husaidia mfumo wa kupumua. Mazoezi rahisi kama vile kutembea, kukimbia na kuogelea husaidia misuli kuwa na nguvu ya kusambaza hewa safi na kutoa hewa chafu. Mshairi wa kisasa, Lwaga Mwambande anasisitiza kuwa, mazoezi ni muhimu kwani, mwili hauna spea. Endelea;
Pia mazoezi husaidia mfumo wa kupumua. Mazoezi rahisi kama vile kutembea, kukimbia na kuogelea husaidia misuli kuwa na nguvu ya kusambaza hewa safi na kutoa hewa chafu. Mshairi wa kisasa, Lwaga Mwambande anasisitiza kuwa, mazoezi ni muhimu kwani, mwili hauna spea. Endelea;
1.Mwili hauna spea,
Kuutunza endelea,
Mazoezi pendelea,
Faida utapokea.
2.Miaka inaposogea,
Viungo vinalegea,
Vile kifo chasogea,
Kuutunza endelea.
3.Vitamu kuvimezea,
Usijekupendelea,
Sumu ikakuzoea,
Kujitunza endelea.
4.Kusikiza pendelea,
Yale wanaelezea,
Chakula Cha kuponea,
uweze kuendelea.
5.Mambo uliyozoea,
Ujana ukichezea,
Uzee ukisogea,
Lazima kupotezea.
6.Kama ukiendelea,
Kwa kuchezeachezea,
Ujue utapotea,
Ni ushauri pokea.
7.Nyama ulizoelea,
Nyekundu naelezea,
Hamu ipate legea,
Kama vile wategea.
8.Ulevi kuuzengea,
Unakunywa wapotea,
Maisha wayachezea,
Bora ukapotezea.
9.Miaka yaendelea,
Nguvu ndivyo zapotea,
Kula vema kwachochea,
Maisha kuendelea.
10.Samaki kuongezea,
Na matunda kukolea,
Sukari ikipotea,
Heri wajiongezea.
11.Mawazo yakisogea,
Moyoni kukunyeshea,
Vema ukapotezea,
Yasije kukukolea.
12.Yalopita potezea,
Na maisha endelea,
Hali yako chekelea,
Neema kwako pokea.
13.Yale uliyamezea,
Umeshindwa potezea,
Na ya kwako chekelea,
Yale umeyawezea.
14.Starehe kumezea,
Zile zilikukolea,
Unaweza kupotea,
Nguvu zimeshapotea.
15.Mfano naelezea,
Wazee walopotea,
Mabinti kuwachezea,
Gesti zaelezea.
16.Tamaa walimezea,
Vyumbani kuwapokea,
Kazi lipoendelea,
Kifo kikawazengea.
17.Mungu wanamkosea,
Familia wakosea,
Huko usijesogea,
Ni onyo hilo pokea.
18.Maisha ushachezea,
Mekula vya kukolea,
Muda umeendelea,
Tumpeleke ngojea.
19.Kula vema endelea,
Afya isijepotea,
Magonjwa yakazengea,
Ukazidi kulegea.
20.Nje tembeatembea,
Maisha waongezea,
Fanya vya kuchekelea,
Afya unajijengea.
Lwaga Mwambande (KiMPAB)
lwagha@gmail.com 0767223602