NA VERONICA MWAFISI
WAZIRI wa Nchi, Ofisi ya Rais, Menejimenti ya Utumishi wa Umma na Utawala Bora Mhe. Jenista Mhagama, amesema watumishi wa ofisi yake wameunga mkono jitihada za Rais wa Jamhuri ya Muungano wa Tanzania Mhe. Dkt. Samia Suluhu Hassan za kulinda rasilimaliwatu nchini kwa kuchangia damu katika Hospitali ya Rufaa ya Mkoa wa Dodoma itakayowasaidia wananchi, watumishi wa sekta ya umma na binafsi wenye uhitaji.
![](https://www.utumishi.go.tz/uploads/news/fda5f3cbfba3c1a8f42f1edc5978c4bf.jpeg)
![](https://fullshangweblog.co.tz/wp-content/uploads/2023/02/IMG-110-scaled.jpg)
![](https://fullshangweblog.co.tz/wp-content/uploads/2023/02/IMG-113-scaled.jpg)
“Uchangiaji huu wa damu uliofanywa na watumishi wa ofisi yangu utaimarisha afya ya wananchi, watumishi wa umma na watumishi wa sekta binafsi ili wawe na tija katika kuleta maendeleo na ustawi wa taifa,” Mhe. Jenista amefafanua.
![](https://fullshangweblog.co.tz/wp-content/uploads/2023/02/IMG-112-scaled.jpg)
Kutokana uhitaji wa damu katika hospitali nyingi nchini, Mhe. Ndejembi ametoa wito kwa watumishi wa taasisi nyingine za umma kujitokeza na kuchangia damu katika benki ya damu ili damu hiyo itumike kuokoa maisha ya watanzania wenye uhitaji.
![](https://fullshangweblog.co.tz/wp-content/uploads/2023/02/IMG-111-scaled.jpg)
“Uchangiaji huu wa damu ni mfano mzuri wa kuigwa na watumishi wa taasisi nyingine za umma kwani Rais wa Jamhuri ya Muungano wa Tanzania anataka watumishi wa umma kuwa karibu na jamii na kuendelea kujenga mahusiano mazuri na jamii inayowazunguka,” Mhe. Ndejembi amesisitiza.
Mmoja wa watumishi waliochangia damu, Bi. Mariam Mwanilwa ambaye ni Mkurugenzi wa Idara ya Mishahara, Masilahi na Marupurupu amesema kuwa, anayo furaha baada ya kuchangia damu ambayo anaamini itaokoa maisha ya watanzania wenye uhitaji.
![](https://fullshangweblog.co.tz/wp-content/uploads/2023/02/IMG-115-scaled.jpg)
Naye, Mkuu wa Kitengo cha Damu Salama, Hospitali ya Rufaa ya Mkoa wa Dodoma Dkt. George Mkira ameushukuru uongozi na watumishi wa Ofisi ya Rais-UTUMISHI kwa uamuzi wa kuchangia damu ili kuokoa maisha ya watanzania wenye uhitaji wa damu.
Dkt. Mkira amesema, chupa 50 za damu zilizopatikana si haba kwani kwa makadirio damu hiyo itawahudumia watoto wenye uhitaji wasiopungua mia na hamsini.
Ofisi ya Rais, Menejimenti ya Utumishi wa Umma na Utawala Bora imetumia siku mbili kushiriki huduma za kijamii kwa lengo la kujenga mahusiano mazuri na wananchi.