NA DIRAMAKINI
RAIS wa Zanzibar na Mwenyekiti wa Baraza la Mapinduzi, Mheshimiwa Dkt.Hussein Ali Mwinyi, leo Februari 12, 2023 amewatembelea wafanyabiashara mbalimbali wa maduka ya vyakula ya rejareja Chake Chake Pemba.
Ziara hiyo ya kushtukiza ilikuwa na lengo la kujionea hali ya chakula ilivyo na bei zake.Mheshimiwa Rais Dkt.Mwinyi alikuwa akipata maelezo kutoka kwa wafanyabishara hao kuhusiana na bei za vyakula na upatikanaji wake.
