NA MWANDISHI WETU
WAZIRI Mkuu wa Jamhuri ya Muungano wa Tanzania, Mhe. Kassim Majaliwa akiongozana na Waziri wa Afya, Mhe. Ummy Mwalimu wametembelea mabanda ya taasisi pamoja na wadau yakiongozwa na banda la Wizara ya Afya kwa lengo la kujua huduma zinazotolewa katika taasisi hizo wakati wa Maadhimisho ya Siku ya Kifua Kikuu Duniani tarehe 24 Machi, 2023.
Miongoni mwa mabanda yaliyokuwepo ni pamoja na banda la SUA Apopo ambalo linatoa huduma ya upimaji wa Kifua Kikuu kwa kutumia panyabuku, Clinic tembezi inayopima Kifua Kikuu (Gari) ambapo kuna chumba cha daktari, chumba cha X-Ray na chumba cha maabara. 
Maadhimisho hayo ya Kifua Kikuu hufanyika kila Mwaka tarehe 24 ambapo mwaka huu yamefanyika Kitaifa katika Wilaya ya Bariadi mkoani Simiyu yenye kauli mbiu isemayo “Kwa Pamoja Tumaweza Kutokomeza Kifua Kikuu Nchini Tanzania”.