NA DIRAMAKINI
KAMANDA wa Jeshi la Polisi mkoani Lindi, ACP Pili Mande amesema,jeshi hilo kwa kushirikiana na wahifadhi wanyamapori wa Mamlaka ya Usimamizi wa Wanyamapori nchini (TAWA) wamekamata watu watatu kwa tuhuma za kukutwa na meno ya tembo mazima 28 vikiwemo vipande 62.
Ameyasema hayo ofisini kwake mjini Lindi wakati akizungumza na waandishi wa habari huku akiwataja waliokamata kuwa ni Said Seleman Litangulu (55), Selemani Hassan (32) na Bakari Said (22) wakazi wa Kijiji cha Nanjilinji kilichopo wilayani Kilwa mkoani hapa.
Wakati huo huo ACP Mande amesema,Jeshi la Polisi mkoani hapa limewakamata watu 122 kwa makosa mbalimbali ikiwemo kukutwa na nyara za serikali kama vile nyama ya nyati, dawa za kulevya aina bangi,pombe haramu ya gongo, wizi wa mali zikiwemo runinga, simu na pikipiki
Naye Kamishna Msaidizi wa Uhifadhi kutoka Mamlaka ya Usimamizi wa Wanyamapori nchini (TAWA),Kennedy Sanga amesema, meno na vipande hivyo vinaonesha ni takribani tembo 30 waliuawa.
Sanga amesema, hali hiyo inaharibu mfumo wa uhifadhi huku akiwataka wakazi wa maeneo hayo kuacha mara moja matukio hayo, kwani ni makosa ya kiuhujumi uchumi ambapo tayari wameshaandaa mipango kuwadhibiti wanaohusika na ujangili huo ndani na nje ya mkoa huo.
KAMANDA wa Jeshi la Polisi mkoani Lindi, ACP Pili Mande amesema,jeshi hilo kwa kushirikiana na wahifadhi wanyamapori wa Mamlaka ya Usimamizi wa Wanyamapori nchini (TAWA) wamekamata watu watatu kwa tuhuma za kukutwa na meno ya tembo mazima 28 vikiwemo vipande 62.
Ameyasema hayo ofisini kwake mjini Lindi wakati akizungumza na waandishi wa habari huku akiwataja waliokamata kuwa ni Said Seleman Litangulu (55), Selemani Hassan (32) na Bakari Said (22) wakazi wa Kijiji cha Nanjilinji kilichopo wilayani Kilwa mkoani hapa.
Wakati huo huo ACP Mande amesema,Jeshi la Polisi mkoani hapa limewakamata watu 122 kwa makosa mbalimbali ikiwemo kukutwa na nyara za serikali kama vile nyama ya nyati, dawa za kulevya aina bangi,pombe haramu ya gongo, wizi wa mali zikiwemo runinga, simu na pikipiki
Naye Kamishna Msaidizi wa Uhifadhi kutoka Mamlaka ya Usimamizi wa Wanyamapori nchini (TAWA),Kennedy Sanga amesema, meno na vipande hivyo vinaonesha ni takribani tembo 30 waliuawa.
Sanga amesema, hali hiyo inaharibu mfumo wa uhifadhi huku akiwataka wakazi wa maeneo hayo kuacha mara moja matukio hayo, kwani ni makosa ya kiuhujumi uchumi ambapo tayari wameshaandaa mipango kuwadhibiti wanaohusika na ujangili huo ndani na nje ya mkoa huo.
Kwa nyakati tofauti wananchi mkoani Lindi wameieleza DIRAMAKINI kuwa, jitihada za pamoja katika kulinda na kukabiliana na wahalifu wanaohatarisha hifadhi na wanyamapori nchini zinapaswa kuungwa mkono na kila mmoja ili kuhakikisha maliasili za Taifa zinaendelea kudumu kwa manufaa ya kizazi cha sasa na kijacho.
Tags
Habari
Jeshi la Polisi Tanzania
Maliasili na Utalii
Mamlaka ya Usimamizi wa Wanyamapori Tanzania (TAWA)