DOHA-Idara ya Forodha ya Uwanja wa Ndege wa Kimataifa wa Hamad jijini Doha, Qatar imefanikiwa kudhibiti na kuzuia jaribio la kuingiza kiwango kikubwa cha dawa za kulevya nchini humo.
Kwa mujibu wa gazeti la Penisula,afisa mmoja wa forodha alizima jaribio hilo baada ya kuhisi na kukagua mabegi ya abiria. Afisa huyo alikuta zaidi ya vidonge 3,360 vinavyohusishwa na dawa za kulevya ndani ya mabegi hayo.
Aidha, ripoti ya kukamata ilitolewa na hatua muhimu zilichukuliwa na idara husika kwa haraka. Wakati huo huo, mamlka husika zimesema zitatoa taarifa kamili baada ya uchunguzi wa kina kufanyika.