NA DIRAMAKINI
MAKAMU Mwenyekiti wa Chama Cha Mapinduzi (CCM) Zanzibar ambaye pia ni Rais wa Zanzibar na Mwenyekiti wa Baraza la Mapinduzi, Mheshimiwa Dkt.Hussein Ali Mwinyi leo Jumapili tarehe 4 Juni, 2023 ameendelea na ziara ya kichama katika Mkoa wa Kusini Unguja na kuzungumza na viongozi wa Mashina, Wajumbe wa Halmashauri Kuu ya CCM ngazi ya Majimbo, Wilaya na Mkoa.
Katika hotuba yake, Rais Dkt. Mwinyi amesema, "hakuna uhai katika chama kama hakuna umoja tunachotakiwa kufanya hivi sasa ni kuondoa tofauti zetu ili kuimarisha umoja wetu."
Aidha, amesema daftari la wapiga kura ni muhimu katika uhai wa chama. "Viongozi wa ngazi zote tuhakikishe tunahakiki daftari la wapiga kura kujua idadi ya wanachama."
Rais Dkt. Mwinyi ameyasema hayo leo Juni 4, 2023 katika muendelezo wa ziara zake za kutembelea mikoa mbalimbali tangu achaguliwe kuwa Makamu Mwenyekiti wa CCM.