NA DIRAMAKINI
KIKOSI cha Taifa Stars kimekamilisha mazoezi ya mwisho kuelekea mchezo wa kufuzu AFCON dhidi ya Niger utakaochezwa leo Juni 18, 2023 katika Dimba Benjamin Mkapa jijini Dar es Salaam.
Awali, Kocha Mkuu wa Taifa Stars, Adel Amrouche alitangaza kikosi cha Timu ya Taifa ya Tanzania (Taifa Stars) kitakachokwenda kuvaana na Niger kama ifuatavyo;Katika mchezo huo ambao utachezwa majira ya saa 10 jioni leo, Kocha Ambrouche aliwatangaza makipa kuwa ni Beno Kakolanya (Simba),Metacha Mnata (Yanga),Zuberi Foba (Azam) na Vuai (KMKM).
Pia, kwa upande wa mabeki ni Ibrahim Bacca (Yanga),Kennedy Juma (Simba),Novatus Dismac (Zulte, Ubelgiji),Datus Peter (Kagera),Dickson Job,Kibwana Shomari,Bakari Nondo Mwamnyeto,Zimbwe Jr Abdi Banda (Chippa, South Africa) na Lameck Lawi (Costal)
Huku kwa upande wa viungo wakiwa ni Muzamir Yassin (Simba),Mudathir Yahya (Yanga),Himid Mao Mkami (Ghazl, Egypt),Aziz Andambwile (Singida),Adolph Mtasingwa Bitegeko (Völsungur ÍF, Iceland),Ayoub Idrissa Bilal (Ankara, Uturuki),Ben Starkie (Basford Utd, England) na Morris Abraham (Spartak Subotica, Serbia)
Washambuliaji ni Kibu Dennis (Simba),Mbwana Samatta (Genk, Ubelgiji),Simon Msuva (Al Qadsiah, Saudi),Abdul Suleiman Sopu (Azam),John Tiber,Bernard Kamungo (FC Dallas, USA) na Adi Yusuph (Brackley Town, England).