Chuo Kikuu waandamana kupinga matokeo ya mitihani kucheleweshwa

KAMPALA-Katika Kampasi ya Chuo Kikuu cha Kyambogo kilichopo jijini Kampala nchini Uganda wanafunzi kutoka Kitivo cha Uhandisi wameandamana kushinikiza kupewa matokeo ya mitihani yaliyochelewa kwa zaidi ya mwaka mmoja.

Maandamano hayo yamejumuisha pia wanafunzi wanaoendelea na wengine, ambao wanastahili kuhitimu mnamo Desemba,mwaka huu.

Wanafunzi hao ambao wanaonekana kuchukizwa na hali hiyo, wametaka hatua za haraka kuchukuliwa kutoka kwa uongozi wa chuo hicho, na wameapa kutorejea darasani hadi suala hilo litakapotatuliwa.(NTV)