ZANZIBAR-Mkuu wa Wilaya ya Kusini, Rajab Yussuf Mkasaba kwa niaba ya Rais wa Jamhuri ya Muungano wa Tanzania, Dkt.Samia Suluhu Hassan ameendelea kutoa vyakula na mahitaji mengine kwa wazee na yatima kwa Shehia za Muyuni A,B,C.
Misaada hiyo imetolewa na Mheshimiwa Rais Dkt.Samia kwa Shehia zote 21 za Wilaya ya Kusini Unguja.
Kwa nyakati tofauti, wananchi waliofikiwa na misaada hiyo ya Mheshimiwa Rais licha ya kumpongeza kwa moyo wake wa upendo kwa makundi mbalimbali nchini, pia wamesema wataendelea kumuombea afya njema, hekima na maarifa ili azidi kuiongoza Tanzania kwa mafanikio zaidi.
Mheshimiwa Rais amefanya hivyo, ikiwa ni miongoni mwa shamrashamra za Wiki ya Tamasha la Kizimkazi ambalo ndiye mwasisi wake.