LONDON-Maelfu ya watu wamekusanyika Oktoba 14, 2023 katikati mwa mji mkuu wa Uingereza, London wakiungana katika wito wao wa kukomesha uvamizi wa Israel na kukomesha mauaji ya kimbari yanayoendelea kufanywa dhidi ya watu wa Palestina.
Siku ilianza kwa washiriki kukusanyika karibu na makao makuu ya Shirika la Utangazaji la Uingereza (BBC) asubuhi. Baadaye walianza maandamano katika jiji hilo, na mchana, maandamano yalifikia kilele karibu na Bunge la Uingereza na makazi ya Waziri Mkuu Rishi Sunak huko Downing Street.
Maelfu ya waandamanaji hao walipandisha bendera na mabango ya Palestina yenye ujumbe wa mshikamano na watu wa Palestina, wanaokabiliwa na uvamizi wa Israel kwa sasa.
Mabango hayo yalionesha kauli mbiu kama vile "Palestine Huru," "Komesha Mauaji," "Israel ni taifa la kigaidi," na "Vikwazo kwa Israel," miongoni mwa mengine.
Nyimbo zililenga serikali za Uingereza na Marekani kwa kuliunga mkono taifa linalokalia kwa mabavu la Israel katika mashambulizi yake ya hivi sasa dhidi ya watu wa Palestina hususani katika Ukanda wa Gaza unaozingirwa.
Makundi ya Kiyahudi yanayopinga Uzayuni pia yalikuja kuonesha mshikamano na Palestina, wakiwemo viongozi wa dini kutoka Neturei Karta, kundi la Kimataifa la Ki-Orthodox linalopinga Uzayuni.
Mkutano huo uliandaliwa na muungano wa makundi ya wanaharakati wa Uingereza yakiwemo Kampeni ya Mshikamano wa Palestina, Jukwaa la Palestine nchini Uingereza na Friends of Al-Aqsa.
Mapema katika makao makuu ya Shirika la Utangazaji la BBC ambayo yapo karibu na mwanzo wa matembezi hayo, yalinyunyiziwa rangi nyekundu na wanaharakati wanaoshirikiana na kundi la Palestine Action, shirika linalotaka kusambaratisha viwanda vya silaha vya uvamizi wa Israel kote nchini Uingereza.(WAFA/DIRAMAKINI)
Maelfu ya waandamanaji hao walipandisha bendera na mabango ya Palestina yenye ujumbe wa mshikamano na watu wa Palestina, wanaokabiliwa na uvamizi wa Israel kwa sasa.
Mabango hayo yalionesha kauli mbiu kama vile "Palestine Huru," "Komesha Mauaji," "Israel ni taifa la kigaidi," na "Vikwazo kwa Israel," miongoni mwa mengine.
Nyimbo zililenga serikali za Uingereza na Marekani kwa kuliunga mkono taifa linalokalia kwa mabavu la Israel katika mashambulizi yake ya hivi sasa dhidi ya watu wa Palestina hususani katika Ukanda wa Gaza unaozingirwa.
Makundi ya Kiyahudi yanayopinga Uzayuni pia yalikuja kuonesha mshikamano na Palestina, wakiwemo viongozi wa dini kutoka Neturei Karta, kundi la Kimataifa la Ki-Orthodox linalopinga Uzayuni.
Mkutano huo uliandaliwa na muungano wa makundi ya wanaharakati wa Uingereza yakiwemo Kampeni ya Mshikamano wa Palestina, Jukwaa la Palestine nchini Uingereza na Friends of Al-Aqsa.
Mapema katika makao makuu ya Shirika la Utangazaji la BBC ambayo yapo karibu na mwanzo wa matembezi hayo, yalinyunyiziwa rangi nyekundu na wanaharakati wanaoshirikiana na kundi la Palestine Action, shirika linalotaka kusambaratisha viwanda vya silaha vya uvamizi wa Israel kote nchini Uingereza.(WAFA/DIRAMAKINI)