Maelfu ya watu waandamana nchini Uswizi kupinga uvamizi wa Israel dhidi ya Gaza

BERN-Maelfu ya wanaharakati, wawakilishi wa mashirika ya kiraia na wanachama wa jumuiya za Waarabu na Waislamu waliingia mitaani Oktoba 14, 2023 katika mji mkuu wa Uswizi wa Bern, wakitoa wito wa kusitishwa mara moja kwa uvamizi wa Israel dhidi ya Ukanda wa Gaza.

Wakati huo huo pia maandamano yalifanyika jijini Geneva mbele ya Ofisi ya Kamishna Mkuu wa Haki za Binadamu, katika kuonesha mshikamano na watu wa Palestina na sababu ya wao kupata haki.

Waandamanaji hao wameitaka Serikali ya Uswizi na jumuiya ya kimataifa kuishinikiza kwa haraka Israel kusitisha mauaji ya kimbari na uhalifu wa kivita dhidi ya raia wasio na hatia wa Palestina wakiwemo watoto.

Vile vile, waandamanaji hao walitaka kuondolewa kwa vizuizi vya Israel kwenye Ukanda wa Gaza na Israel iwajibike kwa uhalifu wake unaoendelea katika miongo kadhaa iliyopita.(AFP/WAFA/DIRAMAKINI)