NA FRESHA KINASA.
KATIBU wa Halmashauri Kuu ya Chama Cha Mapinduzi (CCM), Itikadi, Uenezi na Mafunzo, Paul Makonda amesema ujuzi, elimu, uadilifu na utumishi thabiti wa Mbunge wa Jimbo la Musoma Vijijini Prof. Sospeter Muhongo vina mchango mkubwa Sana kwa maendeleo ya Taifa
Makonda ameyasema hayo Novemba 14, 2023 wakati akizungumza na Wazee wa Wilaya ya Musoma katika ukumbi wa CCM Mkoa wa Mara uliopo Mjini Musoma. 
Amesema, anamheshimu sana Prof. Muhongo kwani mchango wake ni mkubwa katika maendeleo ya Taifa la Tanzania. Akizungumza na Wazee hao Makonda amesema kuwa chama kina waheshimu na kuwathamini Sana wazee kutokana na umuhimu wao katika kuimarisha Chama kwa busara zao na heshima katika kukikenga chama
Pia Makonda amewaomba Wazee hao kuendelea kukisemea Chama kwani mambo makubwa mengi yanafanywa na Serikali pamoja na kudumisha ushirikiano na Mshikamano. 
"Rais Samia anawapenda Sana wazee isingekuwa jasho lenu la kulinda Chama kuanzia TANU, ASP hata yeye asingefika hapo alipo kwa hiyo Dkt. Samia anawashukuru sana wazee na anaomba mumshike mkono msimuache." amesema Makonda