NA GODFREY NNKO
RAIS wa Mamlaka ya Palestina, Mahmoud Abbas ametoa wito kwa Marekani kuitaka Israel ikomesha uvamizi wao huko Gaza ili kuwalinda na kuwaondoa katika madhila watu wasiokuwa na hatia.
Picha na OIC.Abbas amesema hayo Novemba 11, 2023 katika Mkutano wa Kilele wa Mataifa ya Kiarabu na Kiislamu jijini Riyadh nchini Saudi Arabia huku akisisitiza kuwa, watu wake wanateseka.
Saudi Arabia ilikuwa mwenyeji wa mkutano huo uliowaleta pamoja viongozi wa mataifa ya Kiislamu na Kiarabu kujadili hali inayozidi kuwa mbaya huko Gaza.
Katika hotuba yake ya ufunguzi, Mrithi wa Kiti cha Ufalme Mohammed bin Salman alisema, "Tunakabiliwa na janga la kibinadamu ambalo linashuhudia kushindwa kwa Baraza la Usalama la Umoja wa Mataifa (UN) na jumuiya ya kimataifa kukomesha ukiukwaji wa wazi wa sheria na kanuni za kimataifa za Israel."
Mwanamfalme huyo aliongeza kuwa, jambo hilo ni tishio kwa usalama na utulivu wa kimataifa, na kwamba viongozi wote lazima waungane kuchukua hatua madhubuti kukabiliana na hali hiyo.
Wakati wa hotuba yake, Kiongozi huyo alisisitiza upya madai ya kukomesha mara moja operesheni za kijeshi, kutoa njia za kibinadamu kwa raia, na kuwezesha mashirika ya kimataifa ya kibinadamu kutekeleza jukumu lao.
Pia alilaani na kusema, kamwe Ufalme huo hautakubalia na vita alivyovitaja kuwa ni vya kipumbavu dhidi ya ndugu zao huko Palestina ambavyo vimegharimu maisha ya maelfu ya raia wasio na silaha wakiwemo wanawake, watoto na wazee.
Juhudi za pamoja za Saudi Arabia, Jumuiya ya Nchi za Kiarabu, na Jumuiya ya Ushirikiano wa Kiislamu ziliwaleta pamoja viongozi wa Dunia mjini Riyadh kwa ajili ya mkutano huo.
Viongozi wakuu walioshiriki ni pamoja na Katibu Mkuu wa Jumuiya ya Nchi za Kiarabu, Ahmed Aboul Gheit, Rais wa Uturuki, Recep Tayyip Erdogan, Katibu Mkuu wa OIC, Hissein Brahim Taha na Kamishna Mkuu wa Shirika la Umoja wa Mataifa la Kuhudumia Wakimbizi wa Kipalestina, Philippe Lazzarini.
Pia waliohudhuria ni Rais wa Jamhuri ya Kiislamu ya Iran, Ebrahim Raisi, Waziri Mkuu wa Malaysia, Anwar Ibrahim, Rais wa Misri, Abdel Fattah El-Sisi, Makamu wa Rais wa UAE, Mansour bin Zayed Al-Nahyan, Waziri Mkuu wa Lebanon, Najib Azmi Mikati na Rais wa Indonesia Joko Widodo.
Katika maelezo yake, Taha alisema kuwa mkutano huo unathibitisha uungaji mkono kamili kwa watu wa Palestina huku akiashiria dhamira ya pamoja ya kutetea kadhia ya Palestina na suala la Jerusalem likiwa ni lengo kuu la OIC.
"Kila mtu ameshuhudia matukio ya kutisha na mauaji ya kikabila yanayofanywa na majeshi ya Israel yanayokalia Gaza,"alisema na kusisitiza udharura wa kuweka kumbukumbu na kutumia taratibu zilizopo za kisheria na kimataifa ili kuiwajibisha serikali inayokalia kwa mabavu.
Pia alitoa wito wa kusitishwa mara moja kwa mapigano na mashambulizi dhidi ya wakaazi wa Gaza, kufunguliwa kwa njia salama kwa ajili ya utoaji wa misaada endelevu, na kuhakikisha usalama wa watu wa Palestina.
Taha alielezea kukataa kwake kuhamishwa kwa lazima kwa watu wa Palestina, na akahimiza jumuiya ya kimataifa kuchukua hatua zinazohitajika dhidi ya hatua zilizochukuliwa na serikali inayokalia ya Israel.
Vile vile alitoa wito kwa Baraza la Usalama la Umoja wa Mataifa kutekeleza jukumu lake, akisisitiza umuhimu kwa mamlaka ya utawala ya Israel kuzingatia haki za binadamu na kutekeleza kanuni zote za kimataifa.
Aboul Gheit alisema kuwa, shambulio la Israel dhidi ya Gaza sio tukio la pekee na akaelezea matumaini kuwa litakuwa la mwisho.
Alisema, tangu Israel ilipoanza kukalia kwa mabavu Ukanda wa Gaza, imekuwa ikijaribu kuwaangamiza au kuwalazimisha wakaazi hao kuondoka.
"Hili lilidhihirika katika matamshi ya Waziri wa Israel akipendekeza kutumiwa kwa bomu la nyuklia huko Gaza, jambo linaloakisi chuki iliyokita mizizi ya Israel dhidi ya wakazi wake."
Aboul Gheit alisema kuwa, shambulio hilo la Israel limegharimu maisha ya zaidi ya raia 11,000, asilimia 70 kati yao wakiwa wanawake na watoto.
"Ukweli huu wa kutisha unaonyesha kampeni ya utakaso wa kikabila, mauaji ya halaiki, na unyanyasaji wa utaratibu ambao unafanywa katika mtazamo kamili wa ulimwengu."
Licha ya wito wa jumuiya ya kimataifa na Baraza la Usalama la kuwalinda raia wa Palestina, wito wote wa kuzuia vitendo vya Israel katika kukabiliana na operesheni za Oktoba 7, mwaka huu haujafanikiwa, "kwani wanahalalisha vitendo vyao vya kikatili kama kujilinda," alisema.
Aboul Gheit amesisitiza haja ya dharura ya usitishaji vita na kusema jumuiya ya kimataifa lazima itambue kwamba kuendelea kukandamizwa na jeshi la Israel kunaongeza hatari ya makabiliano ya kikanda.
Pia alisisitiza umuhimu wa kusitisha na kukataa aina zote za watu kulazimika kuhama makazi yao huko Gaza, Ukingo wa Magharibi, na Jerusalem Mashariki, akisema vitendo hivyo vinajumuisha uhalifu wa kimataifa na ukiukwaji wa wazi wa sheria za kimataifa za kibinadamu.
Katibu Mkuu wa Umoja wa Nchi za Kiarabu pia alitoa wito wa kukomeshwa kwa majadiliano kuhusu kutenganishwa kwa Gaza kutoka Ukingo wa Magharibi mwa Mto Jordan na Jerusalem Mashariki, akisema kuwa maeneo haya ni muhimu katika kuanzisha taifa la Palestina kwa kuzingatia mipaka ya kabla ya 1967.
Aboul Gheit alikiri kwamba njia ya kurejesha hali ya kawaida huko Gaza itakuwa ndefu na yenye changamoto, lakini alisema nchi wanachama bado zimejitolea kutoa msaada na usaidizi kwa watu wa Gaza katika mapambano yao dhidi ya uvamizi.
Wakati huo huo, katika hotuba yake, Rais Abbas alisema, "Marekani ambayo ina athari kubwa kwa Israel inawajibika.Tunaiomba Marekani kukomesha uvamizi wa Israel ili kuwalinda watu wetu."
"Sote tuko katika mabadiliko ya kihistoria, na lazima sote tuamke katika nafasi hii katika majukumu yetu ili kufikia amani na utulivu kwa kila mtu katika eneo letu.”
Saudi Arabia ilikuwa mwenyeji wa mkutano huo uliowaleta pamoja viongozi wa mataifa ya Kiislamu na Kiarabu kujadili hali inayozidi kuwa mbaya huko Gaza.
Katika hotuba yake ya ufunguzi, Mrithi wa Kiti cha Ufalme Mohammed bin Salman alisema, "Tunakabiliwa na janga la kibinadamu ambalo linashuhudia kushindwa kwa Baraza la Usalama la Umoja wa Mataifa (UN) na jumuiya ya kimataifa kukomesha ukiukwaji wa wazi wa sheria na kanuni za kimataifa za Israel."
Mwanamfalme huyo aliongeza kuwa, jambo hilo ni tishio kwa usalama na utulivu wa kimataifa, na kwamba viongozi wote lazima waungane kuchukua hatua madhubuti kukabiliana na hali hiyo.
Wakati wa hotuba yake, Kiongozi huyo alisisitiza upya madai ya kukomesha mara moja operesheni za kijeshi, kutoa njia za kibinadamu kwa raia, na kuwezesha mashirika ya kimataifa ya kibinadamu kutekeleza jukumu lao.
Pia alilaani na kusema, kamwe Ufalme huo hautakubalia na vita alivyovitaja kuwa ni vya kipumbavu dhidi ya ndugu zao huko Palestina ambavyo vimegharimu maisha ya maelfu ya raia wasio na silaha wakiwemo wanawake, watoto na wazee.
Juhudi za pamoja za Saudi Arabia, Jumuiya ya Nchi za Kiarabu, na Jumuiya ya Ushirikiano wa Kiislamu ziliwaleta pamoja viongozi wa Dunia mjini Riyadh kwa ajili ya mkutano huo.
Viongozi wakuu walioshiriki ni pamoja na Katibu Mkuu wa Jumuiya ya Nchi za Kiarabu, Ahmed Aboul Gheit, Rais wa Uturuki, Recep Tayyip Erdogan, Katibu Mkuu wa OIC, Hissein Brahim Taha na Kamishna Mkuu wa Shirika la Umoja wa Mataifa la Kuhudumia Wakimbizi wa Kipalestina, Philippe Lazzarini.
Pia waliohudhuria ni Rais wa Jamhuri ya Kiislamu ya Iran, Ebrahim Raisi, Waziri Mkuu wa Malaysia, Anwar Ibrahim, Rais wa Misri, Abdel Fattah El-Sisi, Makamu wa Rais wa UAE, Mansour bin Zayed Al-Nahyan, Waziri Mkuu wa Lebanon, Najib Azmi Mikati na Rais wa Indonesia Joko Widodo.
Katika maelezo yake, Taha alisema kuwa mkutano huo unathibitisha uungaji mkono kamili kwa watu wa Palestina huku akiashiria dhamira ya pamoja ya kutetea kadhia ya Palestina na suala la Jerusalem likiwa ni lengo kuu la OIC.
"Kila mtu ameshuhudia matukio ya kutisha na mauaji ya kikabila yanayofanywa na majeshi ya Israel yanayokalia Gaza,"alisema na kusisitiza udharura wa kuweka kumbukumbu na kutumia taratibu zilizopo za kisheria na kimataifa ili kuiwajibisha serikali inayokalia kwa mabavu.
Pia alitoa wito wa kusitishwa mara moja kwa mapigano na mashambulizi dhidi ya wakaazi wa Gaza, kufunguliwa kwa njia salama kwa ajili ya utoaji wa misaada endelevu, na kuhakikisha usalama wa watu wa Palestina.
Taha alielezea kukataa kwake kuhamishwa kwa lazima kwa watu wa Palestina, na akahimiza jumuiya ya kimataifa kuchukua hatua zinazohitajika dhidi ya hatua zilizochukuliwa na serikali inayokalia ya Israel.
Vile vile alitoa wito kwa Baraza la Usalama la Umoja wa Mataifa kutekeleza jukumu lake, akisisitiza umuhimu kwa mamlaka ya utawala ya Israel kuzingatia haki za binadamu na kutekeleza kanuni zote za kimataifa.
Aboul Gheit alisema kuwa, shambulio la Israel dhidi ya Gaza sio tukio la pekee na akaelezea matumaini kuwa litakuwa la mwisho.
Alisema, tangu Israel ilipoanza kukalia kwa mabavu Ukanda wa Gaza, imekuwa ikijaribu kuwaangamiza au kuwalazimisha wakaazi hao kuondoka.
"Hili lilidhihirika katika matamshi ya Waziri wa Israel akipendekeza kutumiwa kwa bomu la nyuklia huko Gaza, jambo linaloakisi chuki iliyokita mizizi ya Israel dhidi ya wakazi wake."
Aboul Gheit alisema kuwa, shambulio hilo la Israel limegharimu maisha ya zaidi ya raia 11,000, asilimia 70 kati yao wakiwa wanawake na watoto.
"Ukweli huu wa kutisha unaonyesha kampeni ya utakaso wa kikabila, mauaji ya halaiki, na unyanyasaji wa utaratibu ambao unafanywa katika mtazamo kamili wa ulimwengu."
Licha ya wito wa jumuiya ya kimataifa na Baraza la Usalama la kuwalinda raia wa Palestina, wito wote wa kuzuia vitendo vya Israel katika kukabiliana na operesheni za Oktoba 7, mwaka huu haujafanikiwa, "kwani wanahalalisha vitendo vyao vya kikatili kama kujilinda," alisema.
Aboul Gheit amesisitiza haja ya dharura ya usitishaji vita na kusema jumuiya ya kimataifa lazima itambue kwamba kuendelea kukandamizwa na jeshi la Israel kunaongeza hatari ya makabiliano ya kikanda.
Pia alisisitiza umuhimu wa kusitisha na kukataa aina zote za watu kulazimika kuhama makazi yao huko Gaza, Ukingo wa Magharibi, na Jerusalem Mashariki, akisema vitendo hivyo vinajumuisha uhalifu wa kimataifa na ukiukwaji wa wazi wa sheria za kimataifa za kibinadamu.
Katibu Mkuu wa Umoja wa Nchi za Kiarabu pia alitoa wito wa kukomeshwa kwa majadiliano kuhusu kutenganishwa kwa Gaza kutoka Ukingo wa Magharibi mwa Mto Jordan na Jerusalem Mashariki, akisema kuwa maeneo haya ni muhimu katika kuanzisha taifa la Palestina kwa kuzingatia mipaka ya kabla ya 1967.
Aboul Gheit alikiri kwamba njia ya kurejesha hali ya kawaida huko Gaza itakuwa ndefu na yenye changamoto, lakini alisema nchi wanachama bado zimejitolea kutoa msaada na usaidizi kwa watu wa Gaza katika mapambano yao dhidi ya uvamizi.
Wakati huo huo, katika hotuba yake, Rais Abbas alisema, "Marekani ambayo ina athari kubwa kwa Israel inawajibika.Tunaiomba Marekani kukomesha uvamizi wa Israel ili kuwalinda watu wetu."
"Sote tuko katika mabadiliko ya kihistoria, na lazima sote tuamke katika nafasi hii katika majukumu yetu ili kufikia amani na utulivu kwa kila mtu katika eneo letu.”
Maombi matano.
Kwanza, Rais wa Palestina alilitaka Baraza la Usalama kuzingatia majukumu yake ili kusitisha uchokozi mara moja, na kuruhusu vifaa vya matibabu na chakula, pamoja na umeme kuingia Gaza.
Pia alitoa wito kwa Baraza la Usalama kukomesha kulazimishwa kwa watu kukimbia Ukanda wa Gaza na Ukingo wa Magharibi.
Pili, Rais Abbas alisema kwamba,hawatakubali suluhu zozote za kijeshi au kiusalama baada ya wote kushindwa kabisa, na baada ya uvamizi huo kukwamisha Muungano wa serikali mbili.
Tatu, Abbas amesisitiza kuwa, Gaza ni sehemu ya nchi ya Palestina na kuongeza kuwa ni lazima kuwe na suluhisho la kina la kisiasa kwa ardhi zote za Wapalestina zikiwemo Ukingo wa Magharibi wa Mto Jordan na Gaza.
Alisema, tangu mwaka 2007 Mamlaka ya Palestina imetumia zaidi ya dola bilioni 20 huko Gaza, na kuongeza kuwa hilo ni jukumu la mamlaka hiyo kwa watu wao.
Nne, alitoa wito kwa Baraza la Usalama kulinda taifa la Palestina na watu, akiongeza kwamba "tunahitaji ulinzi wa jumuiya ya kimataifa, tunahitaji mpango na suluhisho la kisiasa linalowezekana kufikia uhuru wa taifa letu."
"Tunatoa wito kwa Mpango wa Amani ya Waarabu kutekelezwa na kuwe na dola ya Palestina na Quds kama mji mkuu wake na kufuata azimio la 149 la Umoja wa Mataifa," alisema huku akiomba muda wa kutekelezwa jambo hili.
Tano, Rais Abbas alisema, "Tunatoa wito wa msaada wa kimataifa kusaidia mashirika ya serikali ya Palestina, kusaidia watu wake ni pamoja na kujenga upya Gaza na kutekeleza maazimio yake kuhusu kuunga mkono bajeti ya serikali na kutoa utulivu wa mwisho kwa serikali."
Rais Abbas alihitimisha hotuba yake kwa kumshukuru Mfalme Salman na mtoto wa mfalme pamoja na viongozi wengine waliohudhuria mkutano huo.
Naye Rais wa Ututuki, Erdogan alilaani vikali vikosi vya Israel vinavyokalia kwa mabavu kwa kulenga kwao kikatili hospitali, maeneo ya ibada, shule na kambi za wakimbizi, pamoja na mauaji ya kiholela dhidi ya raia na kulazimika kuyahama makazi yao huko Gaza.
Alisema, wanaokaa kimya mbele ya dhuluma hiyo ni washirika sawa katika vitendo hivyo viovu.Kiongozi huyo wa Uturuki aliitaka Marekani na mataifa ya Magharibi kutimiza wajibu wao katika kulinda haki za binadamu na kutofumbia macho vitendo vya Israel.
"Nyakati hizi za uchungu na za kusikitisha zinaonesha viwango viwili, kushindwa kwa akili ya kawaida, na kutofautiana kwa madai ya kibinadamu. Kwa bahati mbaya, mtihani huu wa kufichua unaangazia masuala haya,"alisema.
Kwa upande wake Rais El-Sisi alielezea imani kwamba kila mtu katika eneo hilo anastahili kuishi kwa amani na usalama, bila hofu, vitisho, na kupoteza watoto.
Vile vile alitoa wito kwa mustakabali wa amani, ambapo vizazi vipya vinaweza kukua bila kuzungukwa na chuki na uhasama.
Emomali Rahmon ambaye ni Rais wa Tajikistan, alitaka kusitishwa kwa mapigano mara moja, na kuzitaka pande zote zinazohusika kufika kwenye meza ya mazungumzo.
Amesema, migogoro, vitisho na changamoto zinazoshuhudiwa na Ulimwengu wa Kiislamu zinahitaji umoja, maafikiano, shirikisho na maelewano kuliko wakati mwingine wowote na kuongeza kuwa, leo tunashuhudia kwamba mambo hayo yamesababisha hali mbaya ya utulivu katika maeneo mbalimbali ya nchi.
"Ulimwengu wa Kiislamu umeleta matokeo mabaya ya muda mrefu ya kiuchumi na kijamii kupitia kuhama kwa mamilioni ya watu, wengi wao wakiwa watoto wadogo, walipokuwa wakitafuta maisha bora na salama zaidi.”
Sheikh Tamim bin Hamad Al-Thani ambaye ni Amiri wa Qatar alisema kuwa, matukio ya Gaza yana hatari katika ngazi zote, na mfano wa kutatanisha umewekwa hata katika suala la migogoro mikali.
Alishutumu ulipuaji wa hospitali, uliokanushwa awali na kisha kuhalalishwa na kuwepo kwa vichuguu chini ya vituo vya matibabu.
Sheikh Tamim alisema kuwa, wakati wa vita vinavyoendelea na mzingiro wa hapo awali wa Gaza, kumekuwa na ongezeko kubwa la sauti kutoka kwa baadhi ya nchi zinazodai kushikilia sheria za kimataifa na mfumo wa kimataifa.
"Sauti hizi zimekuwa zikikemea mauaji ya kiholela dhidi ya raia wa Palestina, wakiwemo watoto na wanawake, pamoja na mashambulizi ya mabomu katika hospitali na makazi."
Alisisitiza uungaji mkono wa Qatar kwa watu wa Palestina na sababu zao za haki, pamoja na ahadi yake, pamoja na washirika wake wa kikanda na kimataifa, kutoa misaada ya kibinadamu licha ya vikwazo vya Israel.
Sheikh Tamim pia alitoa wito wa kufunguliwa vivuko salama vya kibinadamu ili kuruhusu misaada kuwafikia watu walioathirika bila vikwazo au masharti yoyote.
Alihitimisha hotuba yake kwa kusema kwamba suluhu pekee ya kudumu kwa suala hilo lipo katika kuweka haki kwa kuzingatia uhalali wa kimataifa, Mpango wa Amani wa Kiarabu, na kanuni zinazotetewa na jumuiya ya kimataifa. Suluhu hii inasimamia haki ya watu wa Palestina kufurahia ustawi, usalama, na haki ya kuamua hatima yao katika nchi huru.(Agencies/AN/DIRAMAKINI)
Kwanza, Rais wa Palestina alilitaka Baraza la Usalama kuzingatia majukumu yake ili kusitisha uchokozi mara moja, na kuruhusu vifaa vya matibabu na chakula, pamoja na umeme kuingia Gaza.
Pia alitoa wito kwa Baraza la Usalama kukomesha kulazimishwa kwa watu kukimbia Ukanda wa Gaza na Ukingo wa Magharibi.
Pili, Rais Abbas alisema kwamba,hawatakubali suluhu zozote za kijeshi au kiusalama baada ya wote kushindwa kabisa, na baada ya uvamizi huo kukwamisha Muungano wa serikali mbili.
Tatu, Abbas amesisitiza kuwa, Gaza ni sehemu ya nchi ya Palestina na kuongeza kuwa ni lazima kuwe na suluhisho la kina la kisiasa kwa ardhi zote za Wapalestina zikiwemo Ukingo wa Magharibi wa Mto Jordan na Gaza.
Alisema, tangu mwaka 2007 Mamlaka ya Palestina imetumia zaidi ya dola bilioni 20 huko Gaza, na kuongeza kuwa hilo ni jukumu la mamlaka hiyo kwa watu wao.
Nne, alitoa wito kwa Baraza la Usalama kulinda taifa la Palestina na watu, akiongeza kwamba "tunahitaji ulinzi wa jumuiya ya kimataifa, tunahitaji mpango na suluhisho la kisiasa linalowezekana kufikia uhuru wa taifa letu."
"Tunatoa wito kwa Mpango wa Amani ya Waarabu kutekelezwa na kuwe na dola ya Palestina na Quds kama mji mkuu wake na kufuata azimio la 149 la Umoja wa Mataifa," alisema huku akiomba muda wa kutekelezwa jambo hili.
Tano, Rais Abbas alisema, "Tunatoa wito wa msaada wa kimataifa kusaidia mashirika ya serikali ya Palestina, kusaidia watu wake ni pamoja na kujenga upya Gaza na kutekeleza maazimio yake kuhusu kuunga mkono bajeti ya serikali na kutoa utulivu wa mwisho kwa serikali."
Rais Abbas alihitimisha hotuba yake kwa kumshukuru Mfalme Salman na mtoto wa mfalme pamoja na viongozi wengine waliohudhuria mkutano huo.
Naye Rais wa Ututuki, Erdogan alilaani vikali vikosi vya Israel vinavyokalia kwa mabavu kwa kulenga kwao kikatili hospitali, maeneo ya ibada, shule na kambi za wakimbizi, pamoja na mauaji ya kiholela dhidi ya raia na kulazimika kuyahama makazi yao huko Gaza.
Alisema, wanaokaa kimya mbele ya dhuluma hiyo ni washirika sawa katika vitendo hivyo viovu.Kiongozi huyo wa Uturuki aliitaka Marekani na mataifa ya Magharibi kutimiza wajibu wao katika kulinda haki za binadamu na kutofumbia macho vitendo vya Israel.
"Nyakati hizi za uchungu na za kusikitisha zinaonesha viwango viwili, kushindwa kwa akili ya kawaida, na kutofautiana kwa madai ya kibinadamu. Kwa bahati mbaya, mtihani huu wa kufichua unaangazia masuala haya,"alisema.
Kwa upande wake Rais El-Sisi alielezea imani kwamba kila mtu katika eneo hilo anastahili kuishi kwa amani na usalama, bila hofu, vitisho, na kupoteza watoto.
Vile vile alitoa wito kwa mustakabali wa amani, ambapo vizazi vipya vinaweza kukua bila kuzungukwa na chuki na uhasama.
Emomali Rahmon ambaye ni Rais wa Tajikistan, alitaka kusitishwa kwa mapigano mara moja, na kuzitaka pande zote zinazohusika kufika kwenye meza ya mazungumzo.
Amesema, migogoro, vitisho na changamoto zinazoshuhudiwa na Ulimwengu wa Kiislamu zinahitaji umoja, maafikiano, shirikisho na maelewano kuliko wakati mwingine wowote na kuongeza kuwa, leo tunashuhudia kwamba mambo hayo yamesababisha hali mbaya ya utulivu katika maeneo mbalimbali ya nchi.
"Ulimwengu wa Kiislamu umeleta matokeo mabaya ya muda mrefu ya kiuchumi na kijamii kupitia kuhama kwa mamilioni ya watu, wengi wao wakiwa watoto wadogo, walipokuwa wakitafuta maisha bora na salama zaidi.”
Sheikh Tamim bin Hamad Al-Thani ambaye ni Amiri wa Qatar alisema kuwa, matukio ya Gaza yana hatari katika ngazi zote, na mfano wa kutatanisha umewekwa hata katika suala la migogoro mikali.
Alishutumu ulipuaji wa hospitali, uliokanushwa awali na kisha kuhalalishwa na kuwepo kwa vichuguu chini ya vituo vya matibabu.
Sheikh Tamim alisema kuwa, wakati wa vita vinavyoendelea na mzingiro wa hapo awali wa Gaza, kumekuwa na ongezeko kubwa la sauti kutoka kwa baadhi ya nchi zinazodai kushikilia sheria za kimataifa na mfumo wa kimataifa.
"Sauti hizi zimekuwa zikikemea mauaji ya kiholela dhidi ya raia wa Palestina, wakiwemo watoto na wanawake, pamoja na mashambulizi ya mabomu katika hospitali na makazi."
Alisisitiza uungaji mkono wa Qatar kwa watu wa Palestina na sababu zao za haki, pamoja na ahadi yake, pamoja na washirika wake wa kikanda na kimataifa, kutoa misaada ya kibinadamu licha ya vikwazo vya Israel.
Sheikh Tamim pia alitoa wito wa kufunguliwa vivuko salama vya kibinadamu ili kuruhusu misaada kuwafikia watu walioathirika bila vikwazo au masharti yoyote.
Alihitimisha hotuba yake kwa kusema kwamba suluhu pekee ya kudumu kwa suala hilo lipo katika kuweka haki kwa kuzingatia uhalali wa kimataifa, Mpango wa Amani wa Kiarabu, na kanuni zinazotetewa na jumuiya ya kimataifa. Suluhu hii inasimamia haki ya watu wa Palestina kufurahia ustawi, usalama, na haki ya kuamua hatima yao katika nchi huru.(Agencies/AN/DIRAMAKINI)