Waziri Mkuu ashiriki maziko ya aliyewahi kuwa DC na Mbunge Fatma Mikidadi

LINDI-Waziri Mkuu Kassim Majaliwa tarehe 12 Novemba, 2023 ameshiriki maziko ya Bi. Fatma Mikidadi yaliyofanyia mkoani Lindi.

Bi.Fatma aliwahi kuwa Mkuu wa Wilaya ya Ruangwa na Mbunge wa Viti Maalum kwa nyakati tofauti. Mheshimiwa Majaliwa amesema Bi. Fatma ni miongoni mwa viongozi wa awali wa Wilaya ya Ruangwa ambao wameacha alama kubwa kwa wananchi wa wilaya hiyo.

Amesema, enzi za uhai wake alikuwa miongoni mwa watu waliofanya jitihada kubwa ya kuhakikisha Mkoa wa Lindi unapata maendeleo kwa kushiriki katika miradi ya kuwainua wananchi.