ZANZIBAR-Klabu ya Simba ya jijini Dar es Salaam imeitandika Singida Fountain Gate mabao 2-0 katika mchezo wao wa pili wa Kombe la Mapinduzi.
Ni kupitia mtanange ambao umepigwa leo Januari 3, 2023 katika Dimba la New Amaan Complex lililopo jijini Zanzibar
Mchezo huo ulianza kwa kasi huku kila timu ikijaribu kutengeneza nafasi lakini safu za ulinzi zilikuwa imara kuhakikisha nyavu zao haziguswi.
Willy Onana aliwapatia Simba SC bao la kwanza dakika ya 46 kwa mpira wa adhabu uliotinga wavuni moja kwa moja baada ya yeye mwenyewe kufanyiwa madhambi nje kidogo ya 18.
Aidha, Luis Miqussone aliwapatia bao la pili waajiri wake hao kwa shuti kali la mguu wa kushoto dakika ya 58 baada ya kuunganisha mpira wa krosi uliopigwa na Shomari Kapombe.