Dkt.Nkundwe Mwasaga abainisha mengi kuhusu Akili Bandia

DODOMA-Imeelezwa kuwa, matumizi ya Teknolojia ya Akili Bandia (AI) hayatasababisha Watanzania kupoteza ajira kwa kuwa ni njia ya fursa nyingi za ajira.

Hayo yamesemwa na Mkurugenzi wa Tume ya TEHAMA nchini (ICTC), Dkt.Nkundwe Mwasaga jijini Dodoma na kuwatoa hofu Watanzania kuhusu dhana hiyo.

Amesema, pamoja na teknolojia hiyo kufanya shughuli za kibinadamu, lakini haiwezi kusababisha Watanzania kupoteza ajira.

Dkt.Mwasaga amesema, kinachopaswa kuzingatiwa ili kulinda ajira ni uhuishaji wa maarifa binafsi katika matumizi ya teknolojia hiyo.

“Nimesikia watu wengi, wakizungumzia jambo hilo moja la kuvutia la teknolojia hii mpya, kuna watu ambao wanapenda soko la hofu na kuna wanaoenda kufanya biashara ya hofu kuhusu teknolojia.

“Lakini AI imekuja kumsaidia mwanadamu mtaalamu ili mwanadamu aweze kuwa na tija zaidi, kwa hivyo tunaamini kuwa AI iko itatufanya kuwa na ufanisi zaidi katika suala la, utoaji wa huduma, katika suala la ubora wa uamuzi ambao tunafanya katika suala la uwezo wa kuzalisha vitu vya ubora wa juu,"amesema Dkt.Mwasaga.

Aidha, amebainisha kuwa zipo faida nyingi katika kuwekeza kwenye akili bandia ikiwemo kukuza uzalishaji na ufanisi na kukuza uchumi na ubunifu.

Pia,amesema kwa mujibu wa utafiti uliofanywa na McKinsey nchini Uingereza, inakadiriwa akili ya bandia inayozalishwa inaweza kuongeza pato la taifa la Uingereza kutoka dola za Marekani Trilioni 2.6 hadi 4.4 kwa kulinganisha na mwaka 2021 lilikuwa dola trilioni 3.1. 

“Njia ya akili bandia inajumuisha chatbots kama vile ChatGPT zinazoweza kuzalisha maandishi kwa kujibu maongezi, kunaweza kuongeza tija kwa kuokoa asilimia 60 hadi 70 ya muda wa wafanyakazi kupitia kazi zao,”alisema.

Mtaalamu wa uchumi katika Kampuni ya Teknolojia ya IBM, Martin Fleming anadai uwepo wa akili bandia hautaondoa kazi za watu bali utabadili namna ya ufanyanywaji.

Profesa mshiriki wa uchumi wa kazi katika Chuo Kikuu cha Buffalo nchini Marekani, Joanne Song McLaughlin anasema, kazi nyingi, bila kujali tasnia, zina vipengele ambavyo vina uwezekano wa kuendeshwa kiotomatiki na teknolojia.

"Hakuna tishio la haraka kwa kazi, lakini kazi zitabadilika, ajira za kibinadamu zitazingatia zaidi ujuzi wa watu wengine ni rahisi kufikiria kuwa, kwa mfano, akili bandia itagundua saratani bora kuliko wanadamu.

"Katika siku zijazo, nadhani madaktari watatumia teknolojia hiyo mpya. Lakini sidhani kama jukumu zima la daktari litabadilishwa,"anasema.

Ripoti ya iliyotolewa mwezi Machi,2023 kutoka Goldman Sachs inakadiria kwamba akili bandia yenye uwezo wa kutengeneza maudhui inaweza kufanya robo ya kazi zote zinazofanywa na binadamu kwa sasa.