Tanzania,Zambia kushirikiana mapambano dhidi ya dawa za kulevya

ZANZIBAR- Februari 14,2024 Waziri wa Nchi ofisi ya Waziri Mkuu (Sera, Bunge, na Uratibu) Mhe . Jenista J. Mhagama (Mb) na Waziri wa Mambo ya Ndani na Usalama wa Ndani ya Zambia, Mhe. Jacob Jack Mwiimbu wamesaini hati ya makubaliano (MoU).

Lengo ni kushirikiana na kuimarisha ushirikiano kati ya Mamlaka ya Kudhibiti na Kupambana na Dawa za Kulevya ya Tanzania (DCEA) Tume ya Kudhibiti na Kupambana na Dawa za Kulevya ya Zambia.

Sherehe ya kusaini makubaliano imefanyika katika Hoteli ya Verde jijini Zanzibar, ikiambatana na Mkutano wa Pili wa Kamisheni ya Pamoja ya Kudumu ya Ulinzi na Usalama (JPCDS).