DAR ES SALAAM-Rais wa Jamhuri ya Muungano wa Tanzania, Dkt. Samia Suluhu Hassan amemteua Christine Gideon Mwakatobe kuwa Mkurugenzi Mtendaji wa Kituo cha Mikutano cha Kimataifa Arusha (AICC).
Hayo ni kwa mujibu wa taarifa iliyotolewa leo Machi 18,2024 na Mkurugenzi wa Mawasiliano ya Rais Ikulu, Bi.Zuhura Yunus.
Mwakatobe anachukua nafasi ya Ephraim Mafuru ambaye siku tatu zilizopita aliteuliwa kuwa Mkurugenzi Mkuu wa Bodi ya Utalii Tanzania (TTB).
Aidha,kabla ya uteuzi huo Mwakatobe alikuwa Mkurugenzi Mkuu wa Kampuni ya Uendelezaji Kiwanja cha Ndege cha Kilimanjaro (KADCO).
