CFR NA IPA:Kongamano la Miaka 60 ya Muungano wa Tanganyika na Zanzibar siku ya Aprili 24

DAR ES SALAAM-Kituo cha Uhusiano wa Kimataifa cha Dkt. Salim Ahmed Salim (CFR) na Chuo cha Utawala wa Umma Zanzibar (IPA) kwa pamoja wanaandaa Kongamano la Miaka 60 ya Muungano wa Tanganyika na Zanzibar.

Ni kongamano lenye lengo la kuwaleta pamoja Viongozi na Wanazuoni kutoka pande zote mbili za Muungano.

Mada kuu katika Kongamano hilo ni "Miaka 60 ya Muungano katika Diplomasia na Maendeleo Endelevu ya Uchumi wa Buluu".

Kupitia mada hii washiriki watapata muda wa kujadili hali halisi ya Muungano katika Diplomasia na Maendeleo Endelevu ya Uchumi wa Buluu.

Aidha,kongamano hili limepangwa kufanyika tarehe 24 Aprili 2024 katika Ukumbi wa Dkt. Ali Mohamed Shein, uliopo Tunguu, Zanzibar.