Habari kubwa za Magazeti ya Tanzania leo Aprili 15,2024

ARUSHA-Maelfu ya wakazi wa Jiji la Arusha wakiwa na majonzi,vilio na simanzi walijitokeza kuiaga miili ya wanafunzi saba na msamaria mmoja aliyejaribu kuokoa maisha ya watoto na kufa maji waliokuwa kwenye gari la Shule ya Msingi Ghati Memorial.

Watoto hao walikumbwa na mauti Aprili 12,mwaka huu majira ya saa 12.30 asubuhi baada ya gari la shule hiyo walilokuwa wamepakiwa lenye namba T 496 EFL kuacha njia na kutumbukia kwenye korongo la maji kasi ya mvua katika Mtaa wa Engosengiu,Sinoni katika jijinla Arusha.