Habari kubwa za Magazeti ya Tanzania leo Aprili 8,2024

PWANI-Kata tano katika Wilaya ya Kibiti mkoani Pwani zenye kaya 3,290 nyumba zao zimezingirwa na maji kutokana na mvua inayoendelea kunyesha katika maeneo mbalimbali.

Hayo yamethibitishwa na Mkuu wa Wilaya ya Kibiti, Kanali Joseph Kolombo ambapo kata hizo ni zile zilizopo Bonde la Mto Rufiji huku waathirika wa mafuriko hayo ni wakazi 19,740 ambao baadhi yao waliwahi kuondoka kabla ya mafuriko na wengine bado wanaendelea kuhamishwa na boti za maliasili.