PRETORIA-Young Africans Sports Club (Yanga SC) imekufa kiume mbele ya Mamelodi Sundowns ya Afrika Kusini.
Ni baada ya kuonesha kabumbu safi licha ya kutupwa nje ya Ligi ya Mabingwa barani Afrika kwa penalti 3-2. Wawili hao, mechi ya awali jijini Dar es Salaam walitoka sare ya tasa.
Wakiwa wageni, mabingwa hao wa Ligi Kuu ya Tanzania Bara dakika tisini walitoka sare ya 0-0 katika dimba la Loftus Versfeld jijini Pretoria, Afrika Kusini.
Refa Dahane Beida wa Mauritania alilazimika kutumia Teknolojia ya VAR dakika ya 58 kuamua juu ya shuti la kiungo mshambuliaji wa Yanga,Stephanie Aziz Ki.
Baada ya kuonekana kudundia ndani ya mstari wa lango kuwa si bao.
Katika mchezo huo wa marudiano wa Robo Fainali,mikwaju ya penalti waliofunga za Mamelodi Sundowns ni viungo Mchile, Marcelo Allende,Lucas Ribeiro Costa na Neo Maema huku Leandro Sirino akishindwa.
Winga Augustine Okrah na mshambuliaji wa Ivory Coast, Joseph Guédé Gnadou walitimiza vema majukumu yao kwa mwajiri wao Yanga SC.
Ingawa Stephanie Aziz Ki, Dickson Job na Ibrahim Hamad (Bacca) hawakuwa na bahati nyavuni.