MANYARA-Elimu ya Fedha imewafikia wajasiriamali na wananchi wa Mkoa wa Manyara, baada ya watumishi wa Wizara ya Fedha wakiongozwa na Afisa Usimamizi wa Fedha kutoka Idara ya Uendelezaji Sekta ya Fedha,Bw. Salim Kimaro, kwa kushirikiana na Ofisi ya Rais TAMISEMI kutoa elimu.
Mafunzo hayo yaliyolenga kuwapa uelewa wananchi kuhusu Elimu ya Fedha, imetolewa kwa njia mbalimbali ikiwemo njia ya filamu yenye maudhui ya kuelimisha kuhusu namna bora ya utunzaji wa fedha binafsi, Mambo ya kuzingatia kabla ya kuomba mkopo, namna bora ya kuandaa maisha ya uzeeni, umuhimu wa kuweka malengo na kusimamia malengo husika kwenye masuala ya fedha.