ARUSHA-Mkuu wa Mkoa wa Arusha, Mheshimiwa Paul Christian Makonda ameiagiza Taasisi ya Kuzuia na Kupambana na Rushwa (TAKUKURU) Mkoa wa Arusha kuanza uchunguzi dhidi ya Mkurugenzi wa Jiji la Arusha,Mhandisi Juma Hamsini na baadhi ya wasaidizi wake kutokana na kukabiliwa na tuhuma za rushwa na upigaji wa fedha za walipa kodi.
Ameyasema hayo Mei 18,2024 wakati akizungumza na wadau wa utalii mkoani hunk, ambapo Katibu Tawala wa Mkoa wa Arusha, Missaile Mussa kuwasimamisha kazi watumishi wote waliotajwa kuhusika na tuhuma hizo ili kupisha uchunguzi.
RC Makonda amechukua hatua hizo baada ya Mwenyekiti wa Waongoza Watalii Mkoa wa Arusha,Wilbard John Chambulo kudai kuwa, baadhi ya watumishi wa Halmashauri ya Jiji la Arusha wamekuwa wakitengeneza nyaraka bandia pamoja na kuchepusha baadhi ya makusanyo ya kodi zinazotokana na Sekta ya Utalii.
Amemuambia mkuu wa mkoa kwamba, watumishi hao wamekuwa na makampuni hewa ya utalii pamoja na kuwa na namba tofauti za ulipaji wa kodi na usajili hewa wa makampuni yenye kufanana na makampuni halisi ya utalii yalipo ndani ya jiji hilo.
Tags
Kurasa za Magazeti
Kurasa za Mbele na Nyuma za Magazeti
Magazeti
Magazeti ya Leo
Magazetini
Magazetini leo
Yaliyojiri Magazetini Leo