DAR-Shirikisho la Soka Tanzania (TFF) limetangaza mabadiliko ya uwanja wa mchezo wa Fainali ya Kombe la FA kuwa kwa sasa utachezwa New Amaan Complex jijini Zanzibar na sio Babati mkoani Manyara kama ilivyotangazwa awali.
Maamuzi hayo yamekuja baada ya uwanja wa Babati kutokuwa sawa kwa baadhi ya miundombinu na usalama, hivyo kupelekea mchezo huo kuhamishiwa Zanzibar.
Mchezo wa fainali ya FA utazikutanisha Klabu ya Yanga na Azam FC tarehe 2 Juni, 2024 saa 2:15 usiku.
