DAR-Waziri wa Uchukuzi,Mheshimiwa Prof. Makame Mbarawa amesema, safari ya Treni ya Mwendokasi (SGR) kutoka Dar es salaam mpaka Dodoma inatarajiwa kuanza Julai 25,mwaka huu.
Ameyasema hayo leo Mei 24,2024 baada ya kufanya ziara ya kukagua miundombinu ya SGR ikiwemo madaraja na vivuko kipande cha Dar es salaam na kujiridhisha kuwa treni hiyo itaanza kwani maandalizi yanaendelea vizuri.
Pia, amesema nauli ya treni hiyo itakuwa rafiki kwa kila Mtanzania na kila mtu ataweza kusafiri kuanzia daraja la kwanza mpaka daraja la tatu.