KILIMANJARO-Katibu Tawala wa Mkoa wa Kilimanjaro,Tixon Tuyangine Nzunda, amefariki dunia katika ajali iliyotokea barabara Kuu ya Moshi kwenda Arusha.
Ajali hiyo imetokea leo mchana Juni 18, 2024 wilayani Hai mkoani Kilimanjaro.
Mkuu wa Mkoa wa Kilimanjaro, Mheshimiwa Nurdin Babu amethibitisha kutokea kwa ajali hiyo ambayo pia imemuua dereva wake.
Machi 2023, Nzunda aliteuliwa na Rais wa Jamhuri ya Muungano wa Tanzania, Dkt.Samia Suluhu Hassan kuwa Katibu Tawala Mkoa wa Kilimanjaro akichukua nafasi ya Willy Machumu ambaye alistaafu.