DAR-Ofisi ya Mfuko wa Taifa wa Bima ya Afya (NHIF) Kinondoni imeendelea na utoaji wa elimu kwa wananchi wanaofika katika banda la elimu, usajili na upimaji afya katika viwanja vya Mlimani City, Dar es Salaam. Zoezi hili linaendelea hadi Juni 24, 2024.
Katika zoezi hilo, mchekeshaji Eliud Samwel Mwakasege amehimiza Watanzania kujiunga na NHIF ili kuweza kunufaika na huduma za uhakika za matibabu popote walipo nchini.