DODOMA-Serikali imesitisha zoezi la ukaguzi wa Risiti za Kielekroniki (EFD) na ritani za kodi lililokuwa likifanywa na Mamlaka ya Mapato Tanzania (TRA) kupitia Mkoa wa Kikodi wa Kariakoo jijini Dar es Salaam.
Uamuzi huo umefikiwa wakati ukiandaliwa utaratibu mzuri wa utekelezaji wa suala hilo katika Soko Kuu la Kimataifa la Kariakoo jijini humo.
Waziri wa Nchi Ofisi ya Rais, Mipango na Uwekezaji, Mhe. Prof. Kitila Mkumbo ameyasema hayo leo Juni 24,2024 kwa niaba ya Serikali wakati akitoa maazimio ya kikao kati ya viongozi wa wafanyabiashara nchini.