MBEYA-Jeshi la Polisi Mkoa wa Mbeya linamshikilia Shadrack Yusuph Chaula (24), mkazi wa Kijiji cha Ntokela katika Kata ya Ndato wilayani Rungwe mkoani humo, baada ya kuchoma moto picha inayomuonesha Rais wa Jamhuri ya Muungano wa Tanzania, Mheshimiwa Dkt.Samia Suluhu Hassan.
Kamanda wa Polisi Mkoa wa Mbeya, SACP Benjamin Kuzaga amesema kuwa, Juni 30,2024 mtuhumiwa huyo ambaye ni msanii wa sanaa ya uchoraji alijirekodi video fupi akitamka maneno makali ya kumkashifu Rais Dkt. Samia huku akichoma picha inayomuonesha Rais na kuisambaza mitandaoni.Mapema leo asubuhi Julai 2, 2024, Mkuu wa mkoa wa Mbeya, alitoa saa 24 kwa Kamanda wa Jeshi la Polisi mkoani humo kuhakikisha mtuhumiwa huyo anakamatwa.
Amesema, kitendo alichokifanya si cha kimaadili wala kiungwana na kiko tofauti na utamaduni halisi wa wakazi wa mkoa huo.
Ikumbukwe kuwa, Rais wa Jamhuri la Muungano ndiye Mkuu wa nchi, Mkuu wa Serikali, Amiri Jeshi Mkuu wa Majeshi ya Ulinzi na Usalama.
Vile vile, Rais ndiye kiongozi wa Utawala wa Jamhuri ya Muungano wa Tanzania.