DAR-Balozi wa Jamhuri ya Muungano wa Tanzania nchini Msumbiji,Mheshimiwa Phaustine Kasike amekutana na Mkurugenzi Mtendaji wa Shirika la Ndege Tanzania (ATCL), Mhandisi Ladislaus Matindi.
Mkutano wao umefanyika kwenye ofisi za shirika hilo zilizopo jijini Dar es Salaam ambapo viongozi hao wamejadiliana namna ambavyo ndege za Shirika la ATCL zitaanza safari zake za abiria na mizigo kati ya Tanzania na Msumbiji.
Katika mkutano huo, Mhe. Balozi Kasike ameahidi kwamba Ubalozi wa Tanzania nchini Msumbiji utatoa kila aina ya ushirikiano ili kuhakikisha ATCL inaanza safari za Msumbiji kama ilivyopangwa.